Opptakskrav og søknad
Opptakskrav
- Bachelorgrad i fysioterapi.
- Minst 1 års yrkespraksis som fysioterapeut etter fullført utdanning.
Søknadskode
3009 (hjarte-lunge), 3010 (muskel og skjellet), 3012 (psykomotorisk)
Poenggrense forrige opptak
Hjarte- og lungelidingar: 38,97
Muskel- skjelett, ortopediske og revmatiske helseproblem: 42,98
Psykiske og psykosomatiske helseproblem: 40,42
Studiet har opptak i partallsår.
Om å søke opptak til HVL
Kvifor studere klinisk fysioterapi?
Samansette og komplekse tilstandar er aukande. Muskelskjelett-, psykiske- og psykosomatiske plagar, og hjerte- og lungesjukdommar er nokre av vår tids største helseutfordringar. Dette stiller stadig større krav til helsetenestene, og fysioterapi står sentralt når det kjem til helsefremjande tiltak, førebygging, undersøking og behandling av desse problema.
Ved å ta master i klinisk fysioterapi kan fysioterapeutar utvikle spesialisert klinisk og forskingsmessig kompetanse innan følgjande tre studieretningar:
- Fysioterapi ved hjarte- og lungesjukdommar
- Fysioterapi ved muskel- skjelett, revmatiske og ortopediske helseproblem
- Psykomotorisk fysioterapi
Kva kan du jobbe med?
Med master i klinisk fysioterapi kan du arbeide som fysioterapeut med spesialisert klinisk arbeid innanfor ulike nivå og deler av helsetenesta. Du kan ha ansvar for undersøking, førebygging, behandling, hab-/rehabilitering og koordinering av forskings- og utviklingsarbeid. Du kan også arbeide i utdanningsinstitusjonar.
Master i klinisk fysioterapi kvalifiserer deg til faglege leiande stillingar og til å kunne gi spesialisert og kunnskapsbasert fysioterapitilbod. Ein mastergrad er eit nødvendig skritt på vegen til utvikling av forskings- og spesialistkompetanse.
Praksis
På studieretningane hjarte-/lungesjukdommar og muskel/skjelett/ortopedi/revmatiske helseproblem har du praksis tilsvarande 10 veker fulltidspraksis, fordelt mellom spesialist- og kommunehelsetenesta.
På psykomotorisk studieretning er det eit krav om 75 timer rettleiing og minimum 200 timar med behandling av pasientar med psykomotorisk fysioterapi.
Innhald i studiet
Studiet er samlingsbasert med obligatorisk frammøte. Hausten 2024 er samlingane lagt til veke 34/35 (studiestart 19.8.24), 42/43 og 48. Studiet er eit heiltidsstudium over to år, unntaket er psykomotorisk fysioterapi som er er eit heiltidsstudium første studieår, og deretter eit halvtidstudium i andre og tredje studieår.
I første studieår blir det undervist i teoretiske basiskunnskapar og praktiske ferdigheiter innan valt studieretning. Du vil også lære å forstå ulike perspektiv på kropp, funksjon, helse og sjukdom. Vitskapsteori, etikk og metode er organisert som nettkurs.
I andre studieår arbeider du vidare med emne frå studieretninga du har valt, samt med masteroppgåva. For dei som vel studieretninga psykomotorisk fysioterapi, arbeider du videre med emne frå studieretninga du har valt og masteroppgåva.
For meir informasjon, se studieplanen: Klinisk fysioterapi studieplan 2023/2024
Fysioterapi ved hjarte- og lungejukdommar
Du får kompetanse innan fysioterapi knytt til pasientar med hjarte- og lungeproblem i akutt og kronisk fase. Du kvalifiserer deg til spesialisert og utvida kompetanse i rettleiing, førebygging, undersøking, behandling, habilitering og rehabilitering relatert til desse problema.
Fysioterapi ved muskel- skjelett, ortopediske og revmatiske helseproblem
Du får avansert kompetanse innan undersøking og behandling av pasientar med muskel, skjelett, ortopediske og revmatiske helseproblem, både innan primær- og spesialisthelsetenesta. Du blir ein viktig bidragsytar inn mot ikkje-kirurgiske behandlingsalternativ som tradisjonelt har hatt ortopedisk kirurgi som førsteval, og/eller i forbindelse med postoperativ rehabilitering.
Psykomotorisk fysioterapi
Du får avansert kompetanse i å undersøke og å tilpasse psykomotorisk fysioterapi til pasienter med et bredt spekter av livsbelastninger innan primær- og spesialisthelsetenesten. Det blir lagt særleg vekt på ferdigheit og kunnskap om kroppsleg omstilling, samt relasjonell og ressursorientert kompetanse i samhandling med sårbare pasientar.
Vil du studere meir?
Fullført studium kvalifiserer til opptak på doktorgradsprogram.
Utveksling
Det er mogleg å ha eit studieopphald i utlandet i tilknyting til masteroppgåva.
Kor kan du reise?
Australia | Monash University
Belgia | Ghent University
Belgia | University of Leuven (KU Leuven)
Danmark | University of Southern Denmark
