Studiestart hausten 2021

Velkommen til studiestart på HVL. Her finn du alt du treng for å starte opp som student hos oss! 16. august er studiestart for dei fleste nye studentar på bachelornivå, men i Bergen går oppstarten over tre dagar. På alle campusar kan masterprogram, årsstudium,  vidareutdanningar og enkeltemne ha oppstart ein annan dag.

Etter at du har takka ja til studieplass på HVL, er det tre ting du må gjere før studiestart:

1. Registrer kva emne du skal ta

Vi ber deg om å registrere kva emne du skal ta dette første halvåret, slik at vi kan gje deg ein timeplan og tilgang til dei rette emna i læringsplattforma Canvas. Vi kallar dette for semesterregistrering. Når du har gjort dette, får du tilgang til Canvas, e-post og andre verktøy du treng.

Frå 2. august får du ein SMS med ein pin-kode og alt du treng for å semesterregistrere deg. Du kan ikkje registrere deg før du har fått SMS-en frå oss. Vi har laga ei oppskrift på korleis du semesterregisterer deg.

Siste frist for å semesterregistrere seg er 1. september, men du bør gjere det så fort du får SMS frå oss. Du kan endre registreringa i ettertid, dersom noko blei feil.

Her kan du semesterregistrere deg

 

2. Gjer deg kjent i Canvas

Canvas er læringsplattforma vår. Her finn du all informasjon du treng om emna du skal ta, undervisning og kontakt med forelesarar. Noko av innhaldet i Canvas er opent for alle, som «Min studiestart», men mykje av det som er mest relevant for deg må du vere logga inn for å sjå. Du må ha semesterregistreret deg og ha oppretta ein brukarkonto for å logge deg inn.

3. Møt opp til studiestart og registrer deg

Vi treng ein siste stadfesting på at du vil starte som student hos oss, og har gitt dette namnet møtt-registrering. Dersom du ikkje registrerer deg mister du studieplassen din.

Er du tatt opp på eit bachelorstudium eller lærarutdanning, får du ein SMS 16. august med all informasjon du treng for å registrere deg som møtt. Har du fått studieplass på toårig master, årsstudium, halvtårsstudium eller vidareutdanning, vil du få nærare infomasjon om kva dag du skal registrere deg. Du må registrere deg innan kl. 16.00 same dag som du får SMS.
For å logge deg inn i møttregisteringa må du nytte ID-porten. 

Oppstart på campus

Måndag 16. august er oppstartsdatoen om du skal studere i Førde, Haugesund, Sogndal eller på Stord, og har fått studieplass på eit bachelorstudium eller lærarutdanning. Skal du studere i Bergen, går oppstarten over 3 dagar. Bachelor i desentralisert sjukepleie i Førde har oppstart 18. august. Møtt-registreringa går likevel 16. august for alle, også i Bergen. 

Her finn du informasjon for din campus etterkvart som den er klar:

Oppstart for master, årsstudium og  vidareutdanningar

Ved alle campusar kan studieprogram på mindre enn 180 studiepoeng ha andre oppstartsdatoar enn 16. august. Sjekk ut oppstartsinformasjonen for ditt studieprogram her:

Dette må alle studentar kjenne til