Fornybar energi

Kvifor studere fornybar energi?

Ei av dei viktigaste utfordringane verda står overfor, er å finne løysingar for korleis vi kan sikre tilgang til energi samtidig som vi reduserer klimagassutsleppa.

I Norge har vi god tilgang på fornybare energiressursar som vatn, vind og bioenergi. Å bruke desse ressursane på ein berekraftig måte er ei tverrfagleg utfordring, sidan også produksjon av fornybar energi påverkar naturen og samfunnet.

Tar du ei utdanning i fornybar energi i Sogndal, får du ein unik og tverrfagleg kompetanse innan fornybar energiteknologi, energisystem, energiøkonomi, miljø- og arealplanlegging.

Gjennom studiet lærer du om

• energiressursar og det norske energisystemet
• berekraftig energiomstilling
• fornybar energiteknologi og innovasjon
• miljøkonsekvensar ved produksjon og bruk av fornybar energi
• politiske og sosiale handlingsdrivarar og barrierar ved energiomstilling
• kva rolle kommune, fylke og stat spelar i utbygging av fornybar energi
• planlegging, regulering og næringsutvikling innan fornybar energi-sektoren.

Vil finne grøne løysingar for framtida

Sondre valde bachelor i fornybar energi fordi han vil bidra til det grøne skiftet.

Møt Sondre

Korleis er undervisninga?

På utdanninga i fornybar energi har vi forelesingar, øvingar på laboratorium, og gruppe- og prosjektoppgåver. Du kjem tett på fagfeltet du utdannar deg til gjennom ekskursjonar, feltarbeid og gjesteforelesingar.

Vi har blokkundervisning, det vil seie at vi jobbar med eit emne om gongen, med avsluttande eksamen, før vi begynner på neste emne.

Møt oss!

Usikker på studievalet? Sjekk kva arrangement vi har for å hjelpe deg å velje utdanning.

Les meir

Utveksling

Grip sjansen til å oppleve verda medan du studerer! Det er tilrettelagt for studieopphald i utlandet i 4. eller 5. semester.