Opptakskrav og søknad
Opptakskrav
Generell studiekompetanse eller realkompetanse.
Det er ingen krav til forkunnskapar, men du må vere i god nok fysisk form til å kunne bere eige utstyr på ekskursjonar.
I samband med ekskursjonar må du vera førebudd på å betale ein eigenandel.
Om å søke opptak til HVL
Kvifor studere Friluftsliv i kystnære naturmiljø?
Friluftsliv fremmar fysisk aktivitet og sunn livsstil. Faget gir deg ei unik moglegheit til å la elevar lære gjennom praktisk erfaring. Med vidareutdanning i friluftsliv, vil du som er lærar få meir kompetanse om korleis du kan planlegge og gjennomføre tverrfaglege aktivitetar i kystnatur, på ein trygg og ansvarleg måte.
Kva lærer du?
Ved å gjennomføre denne vidareutdanninga, vil du mellom anna:
- Få kunnskap om naturtypar langs kysten (havstrand, kystfuruskog, fjell), som har læringsmiljø i tverrfagleg samanheng.
- Kunne planlegge og gjennomføre tverrfaglege aktivitetar i kystnatur på ein trygg og ansvarleg måte.
- Kunne vurdere analytisk korleis natur og friluftslivaktivitetar kan bidra til heilskapleg utvikling og læring hos barn og unge.
Les meir om kva du lærer, i emneplanen.
Målgruppe
Vidareutdanninga passar for deg som arbeider i skule, barnehage eller andre verksemder, der ein har fokus på undervising og opplæring av barn og unge ute i naturen.
Utdanninga er til dømes veldig relevant for deg som er lærar, pedagog eller assistent i barnehage og skule, eller for deg som jobbar som barne- og ungdomsarbeidar.
Undervisningsform
Studiet er samlingsbasert og nettstøtta. Undervisningsformene er i stor grad knytt til praktisk aktivitet med førelesningar, ekskursjonar, gruppe- og individuelt arbeid. Fokus ligg på studentaktive læringsformer.
Samlingsdatoar
Samlingsdatoar vår 2024:
- 22.-24.april
- 27.mai-29.mai
- 11.-13.juni
Mellom samlingane blir det økter med digital undervisning.
Tilrådde forkunnskapar
Ingen.
Pensum
Du mottek informasjon om pensum når kurset startar.
Eksamensform
For å kunne ta eksamen, må du levere inn tre arbeidskrav. Det blir digital individuell munnleg eksamen.
Studieavgift og betaling
Det er ikkje kursavgift, men det blir utgifter knytt til turar, mat og diverse
