Opptakskrav og søknad
Søknadskode i Samordna opptak
203012
Opptakskrav
Generell studiekompetanse. I tillegg må du ha matematikk R1+R2 og fysikk 1.
Bestått forkurs oppfyller kvalifikasjonskrava. Bestått teknisk fagskole frå tidlegare strukturar oppfyller kvalifikasjonskrava. Søkarar med bestått teknisk fagskule etter lov om fagskular av 2003 må ta matematikk R1+R2 og fysikk 1 i tillegg.
Poenggrense ved forrige opptak
- Ordinær kvote 48,5
- Førstegangsvitnemål 43,9
Om å søke opptak til HVL
Kvifor studere maskiningeniør?
Som maskiningeniør jobbar du med design, produksjon, drift og vedlikehald av produkt og produksjonsutstyr. Du utviklar også arbeidsmetodar for å produsere og styre produksjonsprosessar.
I bachelorstudiet allmenn maskinteknikk lærer du om dei grunnleggande maskinfaga, som mekanikk, maskindelar, teknisk varmelære, konstruksjonsteknikk, motorar og oljehydraulikk.
Utdanninga er bygd opp i nært samarbeid med industrien på Vestlandet, som har eit kontinuerleg behov for dyktige maskiningeniørar.
Du kan også utdanne deg til maskiningeniør i Haugesund.
Kva kan du jobbe med?
Vel du ei utdanning som maskiningeniør, får du ei generell ingeniørutdanning som gjer at du kan få jobb innanfor ei rekke fagfelt. Du kan mellom anna arbeide med konstruksjon, prosjektering, drift og vedlikehald.
For maskiningeniøren er det gode jobbar mellom anna i industrien, oljerelatert verksemd, offentleg verksemd, privat konsulentverksemd og salsservice.
Gina tok maskiningeniør ved HVL - sjå kva ho jobber med i dag
Lønn: Kva tener ein maskiningeniør?
Ein maskiningeniør tener i gjennomsnitt 750 480 kroner i året, i følgje utdanning.no.
Korleis er undervisninga?
Gjennom studiet lærer du å bruke ulike dataverktøy til utrekning, teikning og styring av maskiner og prosessar.
Arbeids- og undervisningsformene varierer noko frå fag til fag. Du har førelesningar, gruppearbeid, praktisk arbeid i laboratorium, og i tillegg sjølvstudium. Ved gruppearbeid og laboratoriearbeid er det krav til fysisk oppmøte. Nokre fag har skriftleg eksamen, medan andre fag kan ha mappevurdering eller munnleg eksamen.
Utveksling
Grip sjansen til å oppleve verda medan du studerer! Utdanninga legg til rette for at du kan ta eit semester ved eit universitet eller ein høgskule i utlandet, om du ønsker det.
Kor kan du reise?
Australia | Queensland University of Technology
Australia | University of the Sunshine Coast (UniSC)
Australia | James Cook University
Australia | Griffith University
Canada | University of New Brunswick
New Zealand | Auckland University of Technology (AUT)
Polen | Cracow University of Technology (CUT)
Spania | Polytechnic University of Valencia (UPV)
Tyskland | Kempten University of Applied Sciences
