Får 50 millionar kroner ekstra
HVL får ei ekstra løyving på 50 millionar kroner i revidert nasjonalbudsjett. — Midlane kjem vel med og gjer at me er betre rusta til å vidareutvikle aktiviteten vår, seier rektor Gunnar Yttri.
Det var i dag, torsdag 11. mai, revidert nasjonalbudsjett blei lagt fram av statsråd Ola Borten Moe. Her vert det løyvd meir pengar til universitet og høgskular.
— På sett og vis er dette midlar som for det aller meste kompenserer for ein forventa løns- og prisvekst, samt auke i andre driftskostnadar knytt til eksempelvis straum og areal.
— Kostnadsbilete framover er framleis usikkert og det å få tilført midlar er viktig for oss og aktiviteten vår, seier rektor Gunnar Yttri.
