HVL vil forenkle finansieringssystemet
I juni har HVL sendt inn høyringssvar til arbeidet med nytt finansieringssystem i universitets- og høgskulesektoren – og til arbeidet med akademisk ytringsfridom.
To viktige saker har vore på den nasjonale dagsorden denne våren og fått merksemd no inn mot sommaren:
Nytt finansieringssystem med mål om ei meir forenkling er under oppsegling, og ei NOU om akademisk ytringsfridom har skapt debatt.
I høyringssvara trekk HVL fram sin profesjons- og arbeidslivretta profil.
- Dette har stor tyding for den akademiske ytringsfridomen. Utviklinga av finansieringssystemet bør ta høgde for at vår type høgskule, eit universitet i emning, både er praksisnær og forskingsbasert, seier rektor Gunnar Yttri.
I høyringane er høgskulen tydeleg på at fleircampusstrukturen er ein styrke for å tilby utdanning over heile Vestlandet.
- Samstundes har fleircampus-institusjonar ei kostnadsside i seg som ebør integrerast i eit oppdatert finansieringssystem.
Rektor Gunnar Yttri er klar på at HVL gir klare og konstruktive innspel og meiningar i utforminga av den nasjonale utdannings- og forskingspolitikken framover.
- Me er sjølvsagt opptekne av våre eigne rammevilkår, men me skal og ha gode framlegg til nasjonale løysingar. Det gjer me her og det skal me aktivt gjera kring dei viktige sakene som er venta til hausten.
- I kraft av storleik og kvalitetar i utdanning forsking og innovasjon spelar HVL ei viktig rolle i utviklinga av sektoren vår, men og i utviklinga av arbeids- og samfunnslivet på heile Vestlandet. Dermed har me også ei nasjonal og internasjonal rolle å ta i vare. Høyringsinnspela våre spring ut av dette.
- Eg er difor glad for at me også har tilsette som tar på seg viktige roller og verv i utforminga av den nasjonale utdannings- og forskingspolitikken. HVLskal ta plass og vera aktive i utviklinga. Sektoren vår er i endring og signala som kjem til oss må me aktivt arbeide med og ta hand om.
Yttri fortel at HVL no før sommaren óg har sendt inn ei høyring knytt Forslag til endring i eksportkontrollforskrifta.
Les høyringssvara frå HVL her:
Til hausten er det venta høyringar knytt til mellom anna desse sakene:
- Langtidsplan for forsking og høgare utdanning
- Endringar i UH-lova
- Krav til akkreditering av universitet