Kronprinsen diskuterte klimaforsking då han besøkte Høgskulen på Vestlandet, campus Sogndal

Kronprinsen blei helst velkommen av blant anna rektor Gunnar Yttri og prorektor for utdanning, Anne-Grethe Naustdal. Etter ei omvising på campus der rektor fortalde historia om høgskulen, blei kronprinsen invitert med inn i biblioteket.

Foran: Kronprins Haakon, rektor Gunnar Yttri, direktør for Vestlandsforsking Anne Karin Hamre. Bak: prorektor for utdanning Anne-Grethe Naustdal og ordførar Arnstein Menes. Foto: HVL, Torkjell Einarson Venjum.

Dialog med forskarar om klima

Med ekstremvêret Hans friskt i minne fekk kronprinsen høyre forskarar fortelle om arbeidet sitt. Eit spørsmål som vart stilt var om klimaendringane kjem til å føre til meir flaum og auka skredfare.

Blant forskarane var geolog Thomas Scheiber, som leiar forskargruppa SKRED. Han fortalde at for å forstå kva slags faktorar som utløyser ulike typar skred, er det viktig å samle inn meir kunnskap. Ein engasjert kronprins stilte fleire spørsmål til Scheiber og dei andre forskarane.

— Eg har tenkt på at det er eit stort ansvar å fatte avgjerder om når det er trygt eller ikkje å vere i eit område, sa kronprinsen.

Han påpeika samtidig at det er særs viktig å auke forskinga og kompetansen om konsekvensane av klimaendringane.

Kronprins Haakon i samtale med forskarar frå Høgskulen på Vestlandet og Vestlandsforsking. Foto: HVL, Torkjell Einarson Venjum. 

Møtte også masterstudentar

Kronprinsen fekk også møte studentar på masterprogrammet Climate Change Management. Dei fortalde om sitt eige engasjement, og at det er givande å studere noko som har ein så avgjerande innverknad på framtida. Masterstudent Astrid Mortensen trakk også fram at det er noko spesielt med å studere Climate Change Management i Sogndal, ein plass der ein er så tett på naturen.

Ved avslutninga av samtalen takka kronprinsen for eit spennande møte:

— Eg kunne lett ha brukt ei veke eller to til her!