Sirkulærdagane
Sirkulærdagane set fokus på korleis me forvaltar ressursane våre. Me lever i eit land med stort overforbruk, og dette er ikkje berekraftig. Som organisasjon og i kjerneverksemda vår må HVL bli meir bevisst på korleis me påverkar samfunnet gjennom forbruket. Dette handlar både om økonomisk, økologisk/miljømessig og sosial berekraft. Målet med dagane er å auke medvitet blant studentar og tilsette, og å peike på løysingar som me både kan nytta i privatlivet så vel om i arbeidslivet og i utdanningane våre.
Det blir no jobba med programmet for våren 2025. Førebels ligg programmet for 2024 framleis ute her slik at de kan sjå kva som skjedde på din campus då.
Sirkulæerdagane blir arrangert på alle campusar på ulike datoar. Programmet for arrangementa vil bli oppdatert etter kvart.
HVL tar berekraft på alvor!
Verda treng å gå raskare frå ein lineær til ein sirkulær økonomi. Sirkulærøkonomi, også kalla kretsløpsøkonomi, er eit prinsipp for økonomisk verksemd som har som mål at ressursar vart verande i økonomien lengst mogleg. Dette vil ein oppnå gjennom å redusere råvarebruk, avfall, utslepp og energiforbruk til et minimum.
Det er avgjerande for ei berekraftig utvikling at vi legg om til ein meir sirkulær tankegang rundt ressursbruken. Det må ganske enkelt bli slutt på bruk og kast.
Ein viktig del av sirkulærdagane er å visa kva sirkulære forretningsmodeller som finst i næringslivet og organisasjonar rundt oss med å invitera dei inn på campus og presentera dette for oss med stands, aktivitetar og/eller føredrag.
Hovudfokus har stort sett vært på mat, kle, plast og avfall og me vil løfte fram gode døme på samarbeid og leggja til rette for at studentar kan jobba med eigen idear. HVL Skape er mellom anna involvert i Sirkulærdagane, for me treng gode idear for framtida sine løysingar: Kordan kan naboen din sitt avfall verta din ressurs?
Me ser at det i aukande grad er fleire bedrifter som no tenkjer på denne måten. Der er mellom anna nemnd i Vestland fylkeskommune sin strategi Grøn Region Vestland, og bedrifter på Haugalandet er i ferd med å sjå kva samarbeid om ressurs, energi, transport og avfall kan vera positivt for verksemder. HUB-tankegangen og industriell symbiose er stikkord som kan vera relevante her.
Kva for moglegheiter har vi innan gjenbruk, redesign, resirkulering og reparasjonar? Kan vi med enkle grep få eit meir berekraftig forbruk?
Kvar og kva tid skjer dette?
Sirkulærdagane skjer i vårsemesteret kvart år, og det er satt saman ein komité av tilsette frå alle campus, og studentrepresentant frå Studenttinget som jobbar med arrangementa på dei ulike campusane. Har du lyst til å bidra så ikkje nøl med å ta kontakt med siri.smith@hvl.no
Me ser stort potensiale for ulike studentgrupper å ha oppgåver inn mot Sirkulærdagane og det er aktuelt for dei aller fleste studia me har. Ein sirkulær tankegang er mogleg for dei aller fleste yrker og er eit viktig aspekt ved danninga til studentane våre; at dei veit kva det er og at det er ei utfordring som vil få endå meir fokus i framtida då me må redusera og sirkulera ressursbruken generelt i samfunnet.
Me håpar de vil bidra til Sirkulærdagane ved HVL og at me saman får byggja ein sirkulær kultur i HVL, for studentane våre, for tilsette og saman med våre samarbeidspartnarar.
Siri Smith, klima,- berekraft,- og sirkulærkoordinator ved HVL
