Campusdag i Førde

Drøymer du om ei solseng under palmar og solstrålar? Danse til eksotisk musikk? Spise deg mett på norske kjøttkaker eller lengtar du etter eit meir internasjonalt preg på middagen?

Eller er det eit campus med aktivitetar for alle du saknar mest av alt? Då er Campusdagen rett plass for deg!

Onsdag 26. april forvandlar vi campus Førde til ein fantastisk Hawaii-prega oase, med ein DJ som spelar herlege tonar, og kjekke aktivitetar!

Program

kl. 16.00 – 19.00: Aktivitetar på campus

• Guttorm Andreasen alias DJ 99 skapar musikalsk stemning! DJ 99 spelar verdsmusikk på klubbar og festivalar over hele verda, og denne dagen spelar han for oss!
• Bordtennis i gangane for å få kroppen i gang etter å ha studert ein heil dag.
• Brettspel på borda om du har lyst på nokre rundar med sjakk eller Bezzerwizzer.
• Gratis gryterett og punsj
• Photoshootstand
• Nitendo Switch-turnering

Kl. 17.00 – 17.30: RobotRACE Førde 2023

Bygg din eigen robot, og konkurrer om kven som har den raskaste roboten!
24. april blir det byggeverkstad. Her kan du og medstudentar eller kollegaer melde dykk på med lag, og bygge dykkar eigen robot, og konkurrere på campusdagen. Og det blir sjølvsagt premie til vinnarlaget!

Dette er ein aktivitet som passar for alle, uavhengig av fagbakgrunn, og det er ingen krav til forkunnskapar. Forskar Gizem Ates Venås og Sverre Kvist, studentassistent for HVL Skape, vil rettleie undervegs på byggeverkstaden 24. april. Det blir også gratis mat under bygginga!

Finn ut meir og meld deg på bygging til RobotRACE

Kl. 19.00: Quiz på Akutten

Studentsamfunnet inviterer studentar og tilsette til quiz, og baren er open.