Førebur studiestart
Medan sommaren no vitjar Høgskulen på Vestlandet byrjar eg å gleda meg til hausten. Studiestart er måndag 12. august og førebuinga til å ta imot nye studentar på aller beste vis er godt i gang ved alle våre campus; i Bergen, i Førde, i Haugesund, i Sogndal og på Stord.
Hin dagen møtte eg Ingrid Solberg på Kronstad, då i full fart med å mobilisera erfarne studentar for å ta godt imot nye studentar hausten 2024. Ingrid er student på 4. året ved grunnskulelærarutdanninga (1.- 7.) og kombinerer dette med å vera fadderkoordinator, det vil seia leiar for fadrane ved HVL campus Bergen.
Lukke til med arbeidet, Ingrid, og alle andre som siktar mot å gi nye studentar hausten 2024 den beste studiestarten!