SEFAL - Senter for fysisk aktiv læring

Saman med ambisiøse skular i heile Norge samskapar vi nye og berekraftige rammer for fysisk aktiv læring der elevane trivst betre og opplev auka motivasjon

Vi søker samarbeidsskular  for skuleåret 2021-2022

Vi søker deg og dine kollegaer som ønsker å jobbe med å utvide og utvikle kompetanse i læringsprosessar der elevane er fysisk aktive. Saman vil vi gjere elevane sin skuledag meir aktiv og auke trivsel og motivasjon på skulen.

Skulane vi søker etter

  • Vil arbeide med kompetanseheving som kan bidra til meir praktisk retta og variert undervisning  
  • Ønsker å utvide nettverket sitt og utvikle god delingskultur internt og eksternt 
  • Vil styrke elevane sin trivsel og auke motivasjonen for læring 
  • Vil at elevane skal få bevege seg meir

Kompetanseheving i fysisk aktiv læring (FAL)

Heile skulen, både lærarar og assistentar/miljøterapeutar kan delta på kompetansehevinga. Den er arbeidsplassbasert og det er ingen fysiske samlingar på høgskulen. Dei tilsette startar kompetansehevinga som ei etterutdanning. Lærarane kan etter påbegynt etterutdanning velje å søke seg til vidareutdanninga for 15 studiepoeng på masternivå. Du kan lese meir om korleis kompetansehevinga er lagt opp her

  • Vi vektlegg arbeidsmåtar for godt samarbeid og utvikling i eit profesjonsfellesskap 
  • Leiinga vil arbeide med å fasilitere utviklingsprosessar på skulen
  • SEFAL bidreg med ein stor utstyrspakke til støtte i FAL-undervisninga 
  • Det er inga studieavgift på kompetansehevinga.

 

Å ivareta barna sine behov for rørsle er utruleg viktig. Derfor er det så fint å sjå at eg treff fleire elevar når undervisninga blir variert på denne måten

Bente Sørgjerd, Kvernevik skole
Stortrivast med fysisk aktiv læring

Bente Sørgjerd er spesialpedagog og jobbar ved Kvernevik skole i Stavanger. Ho gjennomførte vidareutdanninga i fysisk aktiv læring skuleåret 2019-2020.