Janette Moland Stokstad

Arbeids- og kompetanseområde

Eg er tilsett ved bachelorutdanninga i vernepleie ved Campus Sogndal sidan 2019. Eg er utdanna sjukepleiar ved HVL (2008), har mastergrad i human ernæring frå UiB (2012) og gastroenterologi for sjukepleiarar frå Karolinska Institutet (2015). Eg har fleire års erfaring frå klinisk forskningsarbeid innan gastroenterologi ved Karolinska Universitetssjukhuset i Stockholm og lang yrkeserfaring som sjukepleiar frå både kommune- og spesialisthelseteneste i inn- og utland.

Undervisning og rettleiing

Eg har basiskompetanse i univertitets- og høgskulepedagogikk frå HVL (2024) og underviser i anatomi, sjukdomslære, farmakologi, legemiddelrekning, ernæring, ferdigheitstrening, kunnskapsbasert praksis og andre helsefaglege tema. Eg brukar ulike undervisningsmetodar som VR, simulering, case-basert læring og jigsaw. Eg rettleiar mellom anna studentar i helsefagleg praksis og studentar som skriv bacheloroppgåver. Eg har emneansvar for helsefaglege emne.

Forskingserfaring og kompetanse

Eg har tidlegare forska på sosiale skilnader i kostvaner blandt ungdom. Seinare, gjennom arbeid som forskingssjukepleiar ved den gastromedisinske forskingsavdelinga på Karolinska Universitetssjukehuset i Stockhom, har eg opparbeida spisskompetanse på koordinering og praktisk gjennomføring av større kliniske studiar. No forskar eg på tilbakemeldingspraksis og undervisningsmetodar i høgare utdanning, og er intressert i å forska meir på studentars helse.