Arbeids- og kompetanseområde
Eg arbeider som høgskulelektor i musikk på campus Stord, og underviser på fleire av utdanningane der. Utdanninga mi er frå NTNU i Trondheim, der eg tok hovudfag i musikkvitskap der eg forska på afroamerikansk musikkultur og gospelmusikk. Mitt hovudinstrument er song, der eg studerte klassisk, men eg syng og underviser innan rytmisk song og improvisasjon. Eg er også dirigent, der eg har leia alt frå barnekor til ungdoms- og vaksenkor. I tillegg spelar eg piano med fokus på akkompagnement/ besifringsspel. Eg syng i bandet Klingenberg som har utspring frå musikkmiljøet på campus Stord, og eg har dei siste åra byrja å skrive eigne låtar innan pop/jazz. Eg brenn for at alle menneske skal få delta i musikkaktivitetar, og at alle som har eit ynskjer om å drive med musikk skal finne mot til å faktisk gjere det. Musikk er både eit spesialistfag og eit fag for alle- vi treng musikk på alle område i livet. Vi treng deg som ynskjer å vere proofesjonell musikar/ artist, og vi treng deg som ynskjer å bidra til meir musikk i skule og samfunn. På Stord er det plass til både og.
Song, kor, direksjon, akkompagnementsspel, improvisasjon, høyrelære og musikkteori, songmetodikk i klasserommet, musisering i klasserommet, komponering i klasserommet, musikkdidaktikk m.m. Underviser både i GLU, BLU og årsstudium i musikk.
Song som aktivitet, ferdighet og sosialt konsept
Songpedagogikk