Set i gang kvardagssamtalar om naturen

Spontane samtalar har størst sjanse for å oppstå under aktivitetar der barna observerer eller utforskar noko fysisk på ein eller annan måte. Derfor kan det å leggje til rette for eit miljø som fremjar samtale mellom deltakarane, og/eller som introduserer eit naturleg samtaleobjekt, vere ein måte å planleggje for spontan samtale på. 

I tillegg til å introdusere miljø eller gjenstandar som tydeleg representerer naturvitskaplege fenomen, på ein måte som gjer at barn og vaksne har noko å snakke om, er det viktig å leggje til rette for at samtalen har trygge rammer. Den vaksne bør invitere barnet til å ytre noko i situasjonen ved å ha ei merksam og open haldning til dei moglege initiativa frå barnet. På denne måten kan ein som vaksen vere ein kompetent med-undrar til barnet.