Internasjonalisering for ph.d.-kandidatar
Høgskulen på Vestlandet har som mål at alle ph.d.-kandidatar skal ha eit forskingsopphald i utlandet på minimum ein månad i løpet av si ph.d.-periode. Opphaldet blir avtalt mellom kandidat, rettleiar og utanlandsk vertsinstitusjon.
Ph.d.-kandidatar vert oppfordra til å orientere seg internasjonalt under doktorgradsutdanninga. Internasjonal røynsle og nettverksbygging kan vere avgjerande for seinare moglegheiter for tilsetting i ein vitskapeleg stilling og for moglegheiter for ekstern prosjektfinansiering. Internasjonal røynsle for ph.d.-kandidatar kan oppnåast mellom anna ved:
- Utanlandsopphald (gjesteforskaropphald eller utveksling)
- Konferansedeltaking
- Deltaking på kurs eller seminar
- Deltaking i internasjonal forskarskule
- Datainnsamling og feltarbeid
- Publisering i internasjonale tidsskrift
- Samarbeid med forskingsgrupper i andre land.
Ph.d.-kandidatar vert oppmoda om å ha eit utanlandsopphald under doktorgradsutdanninga, som del av datainnsamling eller feltarbeid knytt til avhandlinga, eller for å få rettleiing og anna fagleg oppfølging ved eit anna universitet. Eit forskingsopphald i utlandet kan og gje nye impulsar til arbeidet med avhandlinga.
For meir informasjon om internasjonalisering; finansiering, praktisk informasjon mm. sjå lenka Utanlandsopphald under ph.d.-utdanning.
