Publiser forskinga di i HVL sitt opne vitenarkiv
HVL Open er høgskulen sitt institusjonelle arkiv, og omfattar publikasjonar skrivne av studentar og tilsette. Målet er å gjere forskinga ved høgskulen meir synleg og tilgjengeleg for alle.
For tilsette
Tilsette arkiverer sjølve publikasjonane sine etter å ha registrert dei i Cristin. Når ein publikasjon er ferdig registrert, klikkar du på "Lever fulltekstdokument", og følger instruksjonene på sida vidare. Reine Open Access-publikasjonar kan lastast opp i den versjonen forlaget har produsert, mens artiklar i abonnementstidsskrift som regel må lastast opp som manusversjonar. Biblioteket sjekkar kva forlaget tillèt før publisering. Les meir om slik eigenarkivering på Open Access-sida vår ("Hvordan Open Access").
Instruksjonar for korleis du lastar opp publikasjonen din.
Publiserer du i skriftserien til HVL, blir rapporten eller notatet arkivert i HVL Open.
Publisering av doktoravhandlingar
Ph.d.-avhandlingar levert ved HVL skal arkiverast i HVL Open. Dette gjeld alle artikkel-baserte avhandlingar, og monografiar når det er mogleg. I HVL Open blir avhandlinga søkbar gjennom tenester som Oria, og ope tilgjengeleg for forskarar, studentar og andre interesserte.
Slik eigenarkiverer du avhandlinga:
- Logg inn i Cristin og søk opp eller registrer avhandlinga di.
- Under «Institusjonsarkiv» klikkar du på lenka Lever fulltekstdokument.
- Kryss av for at du har medforfattarars samtykke, vel dokumenttype «Forlagets publiserte versjon», finn fila og last opp – helst i PDF-format.
- Avhandlinga blir no sendt til HVL Open, der biblioteket klarerer henne for arkivering. Artiklar som ikkje er publisert open access, vil i nokre tilfelle ikkje kunne publiserast som del av avhandlinga, men dei fleste forlag aksepterer arkivering av akseptert manusversjon. Biblioteket sørger i så fall for at eventuelle sperrefristar blir overhaldne.
Om forlaget sin publiserte versjon eller manus kan arkiverast som del av avhandlinga, vil som regel stå i publiseringsavtalen og på nettsida til forlaget. Mange forlag gir også moglegheit for klarering til gjenbruk gjennom copyright.com i fall det ikkje er avtalt på førehand – sjå i så fall etter lenka «Reprints and permissions» eller liknande på nettsida for artikkelen.
Monografiar kan som regel arkiverast i sin heilskap, men dersom du planlegg å publisere avhandlingsmanuset som bok på eit forlag, bør du sjekke om dei aksepterer open arkivering av den opphavelege, innleverte avhandlinga, og om dei eventuelt ønsker sperrefrist på sistnemnde.
For studentar
Ønsker du å gjere bachelor- eller masteroppgåva di tilgjengeleg for andre?
Publiser studentoppgåva di i HVL Open.
