Arbeids- og kompetanseområde
Eg er administrativ koordinator for ph.d.-programmet i helse, funksjon og deltaking .
Sentrale arbeidsoppgåver:
· Oppfølging av kandidatar gjennom ph.d.-utdanninga; herunder oppstartsamtale, opptak, avtaler, godkjenningar, midtvegsevalueringar, forlenging av studierettsperiode
· Oppfølging og praktisk gjennomføring av innlevering, oppnemning av bedømmingskomité, prøveforelesing, disputas og vitnemål
· Sekretær for programutval for ph.d.-programmet Helse, funksjon og deltaking; herunder saksførebuing og oppfølging av vedtak
· Saksutgreiing og tildeling av mobilitetsstipend
· Oppfølging og rapportering innafor eige ansvarsområde; herunder framdriftsrapportering for kandidatar, emnerapportar, DBH-rapportering og status og budsjett for ph.d.-programmet
· Arrangere møte i ph.d.-forum, ph.d.-samlingar og rettleiarforum
· Oppfølging av emneporteføljen i ph.d.-programmet, og opptak av enkeltemnestudentar
· Utvikling og revisjon av rutinar, prosedyrar og reglement, og vedlikehald av ph.d.-programmet sine nettsider
· Deltek i nettverksgruppe forskarutdanning ved HVL
Eg har hovudfag i zoologisk økologi frå Universitetet i Bergen, i tillegg til praktisk-pedagogisk utdanning frå same stad. Før eg kom til HVL i 2022 har eg jobba i studie- og forskingsadministrasjon ved Universitetssenteret på Svalbard og Universitetet i Bergen sidan 2005. Tidlegare har eg og jobba som lektor i vidaregåande skule og folkehøgskule, og som miljøvernrådgjevar i kommunesektoren.
