Studentassistent ved HVL
Vil du ha ein relevant jobb ved sidan av studia? Som studentassistent kan du støtte andre studentar i studiekvardagen og utvikle leiareigenskapar i ei lønna stilling ved høgskulen.
Utlysingar studentassistent
Om studentassistentordninga
Ønsker du å bli betre kjent med medstudentar og faga dine? I ei studentassistentleia gruppe vil de få høve til å lære av og med kvarandre i læringsmiljøet på studieprogrammet.
Slik fungerer studentassistentordninga
Bli studentassistent ved Høgskulen på Vestlandet
Søknadsprosess
Det er vanleg med søknadsfrist to gongar i året. Sjekk kva som gjeld på ditt fakultet. Etter at du har søkt, vil du bli kontakta dersom du er aktuell for stillinga. Alle vil få tilbakemelding på om dei har fått jobb eller ikkje.
Arbeidsoppgåver for ein studentassistent
Oppgåvene kan variere. Får du jobb på eit av fakulteta, er dette vanlege oppgåver:
- Planlegge, koordinere og gjennomføre møte med studentgruppa.
- Støtte studentane i fagleg arbeid.
- Det kan vere aktuelt med oppgåver knytt til undervisning og ferdigheitslæring.
- Samarbeide med fagmiljø/institutt/fakultet og/eller med andre studentassistentar.
- Bidra til at studentane blir betre kjent med kvarandre, og bygge eit godt fagleg og sosialt læringsmiljø.
Opplæring
Du vil få tilbud om opplæring, og du vil bli følgt opp av ein kontaktperson.
Lønsvilkår
Studentassistentar får timeløn. Satsane er som følgjer:
Studentassistentar utan fullført grad: kr 200
Studentassistentar med påbegynt bachelor: kr 218
Studentassistentar med påbegynt master: kr 236
Studentassistentar med fullført master: kr 268
Kontrakt
Her finn du informasjon om korleis du signerar arbeidsavtale (dfo.no).
Levering av timelister
Her finn du informasjon om korleis du sender inn/fører timeliste for utbetaling i app (dfo.no).
Her finn du informasjon om korleis du lastar ned DFØ-app (dfo.no).
