BØ6-1002 Investering og finansiering

Innhald og oppbygging

• føresetnader og fundament innanfor investering og finansiering
• utrekning av beslutningsrelevant kontantstraum, inkludert arbeidskapitaleffekt
• korrekte verdivurderingsmetodar
• renterekning/finansmatematikk
• investeringsanalyse
• økonomisk levetid og utskiftingsanalysar
• skattar og prisstiging - påverknad på kontantstraumar
• risikovudering, porteføljeteori og kapitalverdimodellen
• avkastningskrav for total- og eigenkapitalen, finansiell gearing m.m.
• finansieringskjelder og finansieringsval, her medrekna banklån, obligasjonar, leasing, avbetalingskjøp m.m.

Læringsutbytte

Etter fullført emne kan studenten:

• vurdere lønsemda av investerings- og finansieringsvedtak
• kjenne til grunnlaget for tidsverdien av pengar og kunne framskaffe risikojusterte avkastningskrav for å estimere alternativkostnaden til kapital
• forstå relasjonen mellom bruk av netto nåverdi som vedtakskriterium for investeringar og eigarane sine økonomiske interesser i føretaket
• kjenne til andre metodar for vurdering av investerings- og finansieringsprosjekt, kunne rekne ut internrente, og forstå samanhengen med netto nåverdi
• ha innsikt i kapitalverdimodellen og kunne gjere bruk av den for å etablere eit risikojustert avkastningskrav når marknadsverdien er relevant
• ha overordna forståing for verdien av fleksibilitet i investeringsprosjekt
• budsjettere beslutningsrelevant kontantstraum for investerings- og finansieringsbeslutningar, og gjennomføre lønsemdsanalysar basert på netto nåverdi under omsyn til eventuell skatt, inflasjon, gjeldsfinansiering og risiko med tilhøyrande avkastningskrav
• rekne ut effektiv rente og kunne gjere bruk av denne i ulike finansieringsbeslutningar
• analysere risikoen i investeringsprosjekt når totalrisikoen er relevant
• strukturere økonomiske modellar i Excel-rekneark, og nytte Excel til økonomiske analysar og rapportering

Krav til forkunnskapar

Tilrådde forkunnskapar er ME6-1000 Matematikk for økonomar eller tilsvarande.

Undervisnings- og læringsformer

Førelesingar og oppgåveseminar med bruk av Excel-rekneark.

Obligatorisk læringsaktivitet

Inntil to skriftlege arbeidskrav som skal løysast individuelt eller i gruppe.

Vurderingsform

Skriftleg eksamen, 4 timar.

Bokstavkarakter.

Hjelpemiddel ved eksamen

Alle skrivne og trykte

Meir om hjelpemiddel