BRL103 Friluftsliv og naturguiding I

Innhald og oppbygging

Gjennom teoretisk og praktisk undervisning skal studentane tileigne seg basiskunnskap om friluftsliv. I friluftslivsundervisninga blir det lagt vekt på basisfriluftsliv som turplanlegging, orientering, leirliv og bruk av utstyr samt kjennskap om ferdsel på bre, kajakkpadling, livredning i vann med HLR prøve og naturkjennskap.

Undervisninga i naturkjennskap er gjennomgåande og føregår både i praktisk undervisning ute i felt og teoretisk. Naturkjennskap er delt i tre delar. I vegetasjonslæra blir det fokusert på kva som veks i dei ulike vegetasjonssonene i naturen samt kunnskap om enkelte planter, tre, lav og mosar. I geologien legg ein vekt på landskapsutvikling og landformer i Noreg, indre og ytre geologiske prosesser. Den siste delen, glasiologi, omhandlar kunnskap om brear og bretypar.

Læringsutbytte

Studenten har:

• kunnskap om friluftsliv og naturbasert reiseliv som kulturelle fenomen i dag og i et historisk perspektiv.
• kjennskap til naturguiding og gruppeprosessar i naturen.
• kunnskap om grunnleggande friluftsliv som kjenneteiknar nærmiljøet i regionen, t.d. i fjell og på fjorden.
• grunnleggande naturkjennskap. Vegetasjonslære, geologi og glasiologi.
• grunnleggande forståing for korleis menneske har vore med å forma kulturlandskapet.

 

Studenten kan/har:

• grunnleggande ferdigheter i friluftsliv som turplanlegging, orientering, leirliv, mat på tur, førstehjelp og bruk av utstyr.
• grunnleggande ferdigheter knytt til fleirdagarsturer i skogen og på fjellet, kajakkpadling, ferdsel på bre.
• bruke grunnleggande friluftsliv og naturkjennskap inn i rolla som naturguide.
• praktiske erfaringar med gruppeprosessar og korleis desse verkar inn på læring og opplevingar.

 

Studenten har/kan:

• kjennskap og erfaringar med Norske friluftslivstradisjonar og prinsippet om tur etter evne.
• reflektere kritisk rundt korleis naturen vert nytta både i høve til ikkje-kommersielle og kommersielle aktivitetar.
• reflektere over samanhengar mellom mestring, samhandling, læring og opplevingar.
• kjennskap til bruk av fagblogg som digitalt læringsverktøy.

Krav til forkunnskapar

Ingen ut over opptakskrav, sjå studieplanen

Undervisnings- og læringsformer

Ekskursjonar med 1-4 dagar varighet, førelesningar, gruppearbeid og individuelt arbeid. Lærestoffet skal så langt som råd bli integrert og erfart i den praktiske undervisninga. Blogg blir brukt i samband med ekskursjonar.

Obligatorisk læringsaktivitet

• Gjennomføre og bestå ekskursjonane
• Obligatorisk oppmøte til all praktisk undervisning
• Studentane skal levere fagblogg etter kvar tur
• Gjennomført livredning i vann og HLR i felt

Vurderingsform

Individuell skriftleg skuleeksamen, 5 timar. Gradert karakter (A - F).