BØ6-1001 Finansrekneskap 1

Innhald og oppbygging

Kurset skal gjere studentane i stand til å sjølve kunne føre eit enkelt rekneskap. Med utgangspunkt i årsrekneskapen viser ein korleis bedrifta si lønnsemd, likviditet, finansiering og soliditet kan analyserast nærare.

Innhald:

• Rekneskap som informasjonskjelde
• Innføring i bokføring og årsavslutning av eit årsrekneskap
• Bokføring som ein prosess frå; inngåande balanse, posteringar, oppsett av råbalanse, overføring til saldobalanse og tabellarisk avslutning
• Periodisering som sentralt omgrep ved avslutning av rekneskap
• Rekneskapsanalyse med nøkkeltal og fokus på samanhengen mellom resultat og balanse i eit aksjeselskap eller i eit personleg føretak

Læringsutbytte

Studenten skal ved fullføring

• ha grunnleggande kunnskapar om føremålet med, og bokføring av, eit finansrekneskap
• ha kjennskap til standard kontoplan
• ha kjennskap til grunnleggande rekneskapsprinsipp
• forstå samanhengen mellom ein transaksjon og transaksjonen sin verknad på balansen
• kjenne til sentrale nøkkeltal innan lønnsemd, likviditet, finansiering og soliditet

Studenten skal ved fullføring

• kunne bokføre vanlege transaksjonar, til dømes meirverdiavgift
• kunne gjere greie for omgrep som utgifter, kostnader, utbetaling, inntekter og innbetalingar
• kunne periodisere inntekter og kostnader inkludert løn, feriepengar og arbeidsgivaravgift
• kunne setje opp resultat og balanse i samsvar med rekneskapslova
• kunne rekne ut og vurdere sentrale nøkkeltal med utgangspunkt i framlagt årsrekneskap

Studenten skal ved fullføring

• ha utvikla ei grunnleggande fagleg og praktisk innsikt, samt analytiske ferdigheiter knytt til finansrekneskapen
• ha grunnlag for vidare fordjuping innan fagområdet

Krav til forkunnskapar

Ingen ut over opptakskrav, sjå studieplanen

Tilrådde forkunnskapar

Ingen

Undervisnings- og læringsformer

Førelesingar og oppgåveseminar

Obligatorisk læringsaktivitet

To skriftlege arbeidskav som skal løysast individuelt eller i gruppe. Eit ikkje-godkjent arbeidskrav gir rett til eit nytt forsøk.

Arbeidskravet er gyldig dei tre påfølgande semester.

Arbeidskrav må vere godkjende før ein kan framstille seg til eksamen

Vurderingsform

Skriftleg skuleeksamen, 4 timar

Karakterskala: A-F

Hjelpemiddel ved eksamen

Lovlege hjelpemiddel:

• programmerbar kalkulator
• lovsamling eller utskrift frå lovdata

Meir om hjelpemiddel