BØ6-2000 Finansrekneskap 2

Innhald og oppbygging

Kurset bygger vidare på kurset BØ6-1001 Finansrekneskap 1 eller tilsvarande. Kurset skal gi god innsikt i finansrekneskapen si oppbygging og rammevilkår. Kurset skal gi nødvendige kunnskapar til å behandle sentrale rekneskapsmessige måleproblem, berekne skatt og til å kunne utarbeide eit enkelt konsernrekneskap og kontantstraumoppstilling.

Innhald:

• Grunnleggande rekneskapsteori og måling av dei viktigaste rekneskapspostane
• Grunnleggande rekneskapsprinsipp og god rekneskapsskikk
• Skattegjeld og skattekostnad
• Konsernrekneskap
• Kontantstraumoppstilling
• Hovudelement, ulikskapar og utvikling innan norske (GRS) og internasjonale (IFRS) rekneskapsreglar

Læringsutbytte

Studenten skal ved fullføring

• ha kunnskap om innrekning og måling av dei viktigaste rekneskapspostane og grunnleggande rekneskapsprinsipp
• kjenne til sentrale skilnader mellom rekneskaps- og skattereglar
• kjenne til formålet med og hovudprinsippa ved utarbeiding av eit konsernrekneskap
• ha kunnskap om resultat- og balanseorientering
• ha kunnskap om det konseptuelle rammeverket til IFRS (International Financial Reporting Standards)
• ha forståing for og evne til å reflektere omkring internasjonal rekneskapsutvikling og god rekneskapsskikk

Studenten skal ved fullføring

• kunne handsame sentrale måle- og vurderingsproblem innan rekneskap
• kunne sette opp ei enkel skatteberekning
• kunne gjere årsoppgjørsposteringar og disponering av resultat
• kunne utarbeide kontantstraumopstilling
• kunne utarbeide eit enkelt konsernrekneskap
• kunne rekne ut og forklare ulik rekneskapsmessig behandling mellom GRS og IFRS på gitte emne

Studenten skal ved fullføring

• kunne tileigne seg ytterlegare rekneskapsteoretisk kunnskap gjennom lesing av fagbøker og fagartiklar
• kunne nytte kunnskapen på praktiske rekneskapsproblemstillingar

Krav til forkunnskapar

Finansrekneskap 1 (BØ6-1001) eller tilsvarande.

Tilrådde forkunnskapar

Ingen

Undervisnings- og læringsformer

Førelesingar og oppgåveseminar

Obligatorisk læringsaktivitet

To skriftlege arbeidskrav som skal løysast individuelt eller i gruppe. Eit ikkje-godkjent arbeidskrav gir rett til eit nytt forsøk.

Arbeidskravet er gyldig dei tre påfølgande semester.

Arbeidskrav må vere godkjende før ein kan framstille seg til eksamen

Vurderingsform

Skriftleg eksamen, 4 timar.

Karakterskala: A-F

Hjelpemiddel ved eksamen

Lovlege hjelpemiddel:

• programmerbar kalkulator
• lovsamling eller utskrift frå Lovdata

Meir om hjelpemiddel