ID3-208 Friluftsliv vinter

Innhald og oppbygging

Gjennom teori og ekskursjonar i vinterfjellet skal studentane tileigne seg grunnleggande kunnskap og erfaring knytt til trygg ferdsel og opphald i vinterfjellet. Faktorane terreng, snødekke, vær og menneske er sentrale i Nordisk vinterferd og toppturar i oversiktlig terreng. Desse faktorane blir implementert og diskutert i emnet. Skredredning og enkle senario med sendar/mottakar blir gjennomgått. Under temaet førstehjelp blir det arbeida med ulike skader, sjukdommar og generell nedkjøling som kan oppstå i friluftslivssamanheng. Kartforståing, bruk av kompass og enkel bruk av GPS som verktøy er også sentralt i emnet.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om nordisk vinterferd
• har kunnskap om topptur i oversiktlig terreng
• har kunnskap knytt til orientering, kart, kompass og GPS
• har kunnskap knytt til kameratredning og grunnleggande førstehjelp

Ferdigheiter

Studenten

• kan planlegge, gjennomføre og evaluere turar knytt til nordisk vinterferd
• kan planlegge, gjennomføre og evaluere toppturar i oversiktleg terreng
• kan orientere med bruk av kart og kompass
• kan nytte GPS som supplement til kart og kompass
• kan utføre kameratredning knytt til snøskred med og utan sendar/mottakar
• kan utføre grunnleggande førstehjelp til skada person

Generell kompetanse

Studenten

• kan planlegge, gjennomføre og evaluere turar knytt til nordisk vinterferd og toppturar i oversiktleg terreng

Krav til forkunnskapar

Ingen.

Tilrådde forkunnskapar

Vere førebudd på overnatting i og på snø og kunne bere eige og felles utstyr på ekskursjonar

Undervisnings- og læringsformer

Undervisnings- og læringsformene i dette emnet vil i stor grad nytte teori formidla gjennom førelesningar og impementering av teori gjennom praktisk erfaring ute. Gruppearbeid og individuelt arbeid inngår også som ein viktig del av emnet. Fagblogg blir brukt i samband med ekskursjonar.

Ekskursjonar:

• Nordisk vinterferd i skogen m/førstehjelp, 2 dagar med vegleiar og 2 dagar på eigenahand
• Nordisk vinterferd i høgfjellet, 5 dagar
• Skredlære på topptur i oversikteleg terreng, 2 enkeltdagar
• Topptur på ski i Jostedalen, 2 dagar
• Eigenferd nordisk vinterferd, 5 dagar
• Topptur på ski i Vest-Jotunheimen, 3 dagar
• Skitur på Jostedalsbreen, 3-4 dagar (del 2 av NF-grunnkurs bre)

Obligatorisk læringsaktivitet

• Godkjente ekskursjonar: Planlagging, gjennomføring og evaluering
• Oppmøte til all obligatorisk undervisning
• Gjennomført og godkjent praksis 2 veker i vårsemesteret
• Praksisrapport
• Godkjenning av turplan, gjennomføring og evaluering av eigenferd (nordisk vinterferd)

I samband med ekskursjonar må studentar ved HVL vera førebudd på å betale ein eigenandel. Det vert lagt til rette for kompensatorisk arbeidskrav.

Vurderingsform

Individuell, munnleg eksamen. Gradert karakter (A - F).                                                                 

Eksamen er delt i emna vinterfriluftsliv, førstehjelp og orientering, der alle emna må vere bestått.