LU2-KRO130 Idrett/Kroppsøving 1 5. - 10. trinn

Innhold og oppbygning

Emnet er ei innføring i det å vera lærar i kroppsøving på steg 5-10 i grunnskulen.

Emnet tek utgangspunkt i kroppsøving som eit allmenndannande fag med særleg ansvar for allsidig kroppsleg utvikling, oppleving og læring. Sentralt ligg utvikling av undervisningskompetanse i bevegelsesaktivitetar som idrett, friluftsliv, leik og dans, samt tidsaktuelle og tradisjonelle bevegelsesformer i barne- og ungdomskultur. Opplæringa skjer gjennom ei praktisk orientert fagdidaktisk tilnærming.

Emneplanen følgjer progresjonen i praksis og i dei fagovergripande tema slik det går fram av studieprogramplanen og emneplanen for praksis for det aktuelle året.

Emnet tek sikte på at studentane får auka praktisk-pedagogiske kompetanse, og ein sjølvstendig og fagleg refleksjon over undervising og læring i faget.

Emnet er sett saman med bidrag frå ulike område med tanke på å styrke studentane sin faglege og fagdidaktiske forståing. Sentralt står faglege aspekt som vurdering, medborgarskap, kunnskap om kroppen, trening og kroppsleg læring.

Læringsutbytte

Kunnskap

Studenten

har kunnskap om læreplanen i kroppsøving, fagets eigenart og legitimering, og om korleis faget heng saman med andre skulefag

har kunnskap om å planlegge, -gjennomføre og vurdere undervising i kroppsøving

har kunnskap om friluftsliv, leik, dans, idrett og tidsaktuelle bevegelsesaktivitetar i barne- og ungdomskultur

har kunnskap om føresetnader for læring på bakgrunn av vekst og utvikling hos eleven

har kunnskap om vurdering og dokumentasjon av læring i kroppsøving

har kunnskap om omgrepet fair play og respekt for andre i samband med kroppsøving

har kunnskap om bevegelsesmiljø, trening og treningsprinsipp eigna for elevar

har kunnskap om kroppen og kroppen i bevegelse, spesielt med tanke på læring av bevegelsesaktivitetar

 

Ferdigheiter

Studenten

kan, ut frå lovverk, gjeldande læreplan og profesjonsetiske retningslinjer, planlegga, gjennomføra og vurdere undervising i kroppsøving

kan bruka eigne ferdigheiter og kunnskapar innan leik, friluftsliv, dans, idrett og andre bevegelsesaktivitetar, og gjera seg nytte av dette i undervisning i kroppsøving

kan utforska eigne kroppslege uttrykk og leie skapande prosessar kor refleksjon og erfaring med bevegelsar er sentralt

kan ivareta HMS for elevane i ulike aktivitetar og bevegelsesmiljø

kan planlegga og gje grunnleggande symjeopplæring, utføre livreddande førstehjelp og praktisere trygg ferdsel i, ved og på vatn

kan vurdera ulike fagdidaktiske problemstillingar knytt til eigen lærarkompetanse, undervising og læring i kroppsøving

kan nytte kunnskap i faget med formål å inkludera alle elevane i kroppsøving

kan vidareutvikle eigne ferdigheiter og kunnskapar innan ulike bevegelsesaktivitetar, og gjera seg nytta av dette i undervisning i kroppsøving

kan arbeida tverrfagleg med utgangspunkt i kroppsøving

 

Generell kompetanse

Studenten

kan drøfta kva som er kroppsøving sitt bidrag til allmenndanninga til elevane

kan planlegge og formidle sentrale teoriar og problemstillingar i kroppsøving, og bidra til utvikling av god praksis

kan arbeida med mangfald og ulikskap i kroppsøving og reflektera over fagets innhald og rolle i ein fleirkulturell skule

Krav til forkunnskaper

Ingen.

Anbefalte forkunnskaper

Ingen

Undervisnings- og læringsformer

Studenten møter varierte og yrkesrelevante arbeids- og læringsformer i emnet. Det vil vere førelesingar, praktiske timar, eigenaktivitet og forpliktande samarbeid i ulike gruppestorleikar.

Obligatorisk læringsaktivitet

¿

80 % frammøte til undervisning

100% på turar/ekskursjonar

Delta på turar/ekskursjonar (forventa kostnad, sjå semesterplan)

Praktisk-metodiske undervisingsoppgåver

Friluftsliv med overnatting

Skriftleg innlevering på bakgrunn av gitt oppgåve

Observasjon knytt til føresetnadar hos elevar og tilpassa opplæring

Semesterplanen vil gi retningslinjer for arbeidskrava. I samband med ekskursjonar må studentar ved HVL vera førebudd på å betale ein eigenandel. Det vert lagt til rette for kompensatorisk arbeidskrav.

Vurderingsform

Prosjekt 25%. Semesterplanen vil gi nærare retningslinjer for gjennomføring av prosjektet. Tid for innlevering av prosjektet vert opplyst på Studentweb og digitalt eksamenssystem.

Praktisk-metodisk deleksamen 25%.

Individuell skriftleg skuleeksamen, 5 timar. Tel 50% av vurderinga

Karakterskala A-F, der F er ikkje greidd.

Hjelpemidler ved eksamen

Ingen

Mer om hjelpemidler