SK164 Andre rettleia praksis i spesialisthelsetenesta

Innhald og oppbygging

Kliniske studiar relatert til pasientar som mottar sjukepleie i spesialisthelsetenesta og deira pårørande. Kullet blir delt i to grupper, der ein del av kullet har medisinsk praksis og den andre delen kirurgisk praksis.

Hospitering:

• Medisinsk praksis: hospitering i føde-/ barselavdeling og pediatri, fire dagar.
• Kirurgisk praksis: hospitering i operasjons- og oppvakningsavdeling, tre dagar.

Læringsutbytte

Etter fullført emne har studenten følgjande læringsutbytte:

Studenten

• kan nytte sjukepleieprosessen som metode
• kan syne forståing og respekt for pasientar og pårørande sine opplevingar og reaksjonar på sjukdom/ sjukdomstilstand
• kan sjå samanheng mellom behandling og pleie, og kan planlegge heilskapleg, vurdere og utføre sjukepleie til fleire pasientar
• kan gjere greie for teoretiske samanhengar og grunngje handling
• kan planlegge og prioritere eige arbeid
• kan ivareta hygieniske prinsipp i utøving av sjukepleie
• kan dokumentere skriftleg, og gje munnleg rapport/ informasjon
• kan administrere legemidlar og har kunnskap om verknad/ biverknad og mogelege komplikasjonar
• kan vise etisk refleksjon og handlingsberedskap
• kan ta del i arbeids- og behandlingsoppgåver, prosedyrar og bruk av medisinsk teknisk utstyr
• har kunnskap om livreddande førstehjelp og avansert hjarte- lungeredning
• har kunnskap om lovverket som regulerer utøving av sjukepleiefaget
• kan finne fram til relevant litteratur og forsking innan fagområdet og nytte dette i utøving av praktisk sjukepleie
• kan vise evne til samarbeid og teamarbeid
• kan sjølvstendig rettleie, informere og undervise pasientar, pårørande og samarbeidande partar
• kan syne forståing for kultursensitiv kommunikasjon
• kan utføre administrative oppgåver
• kan sjå eige læringsbehov og ta rettleiing

Krav til forkunnskapar

Emne SK160, SK161,SK199, SK169, SK170, samt arbeidskrav i SK162 må vere greidd før start i emnet.

Undervisnings- og læringsformer

• Det vert lagt vekt på erfaringslæring med refleksjon, rettleiing individuelt og i grupper
• Studentaktive læringsformer for å integrere og gjere seg nytte av kunnskap i praksis
• Skriftleg og munnleg arbeid

Obligatorisk læringsaktivitet

• Seminar med framlegg i grupper (sosiologi)
• Skriftleg test i medikamentrekning. Individuell/gruppe. Krav om 100% rett.
• Vere førebudd til forventningssamtale
• Levere utfylt egenvurdering i vurderingsskjema til halvtids- og sluttvurdering
• Dokumentert hospitering

Vurderingsform

Andre rettleia praksis i spesialisthelsetenesta. Greidd/ikkje greidd.