SAB130 Grunnlagskunnskap i sosialt arbeid

Innhald og oppbygging

I emnet skal studentane tileigne seg kunnskap om sosialt arbeid i lys av omgrep i sosiologi, sosialpsykologi og utviklingspsykologi. I tillegg skal studentane tileigne seg kunnskap om migrasjon og interkulturell forståing.

Studentane skal tileigne seg kunnskap og ferdigheiter i kommunikasjon med utgangspunkt i interaksjonistisk perspektiv og utdjuping i kommunikasjons - og relasjonskunnskap.

Studentane skal trene på å skrive akademiske tekstar. Innholdet i emnet er organisert i tre tema; sosiologi, psykologi og sosialt arbeid.

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap:
Studenten… 

• har kunnskap om sosialt arbeid sitt teorigrunnlag og metodar som rettar seg mot individ, familiar, grupper og samfunn
• har kjennskap til vilkår for meistring og utvikling hos barn, unge, vaksne og eldre
• kjenner til kva betyding levekår, helse, utdanning, arbeid og sosial inkludering og aktiv deltaking har i ulike livsfasar for individ, familie og samfunn
• har kunnskap om korleis sosial klasse, utanforskap, marginalisering og diskriminering påverkar folkehelse og levekår
• har kunnskap om teoretiske perspektiv i sosialt arbeid og andre relevante fagområde
• har kjennskap om korleis sosiale problem oppstår og utviklar seg i en samfunnsmessig samanheng
• har kjennskap til omgrep innan migrasjon og interkulturell forståing

Ferdigheiter:
Studenten…

• kan bruke fagleg kunnskap om relasjon og kommunikasjon i individuelle samtalar med brukarar/klientar
• kan reflektere over kulturelle skilnadar og korleis dette har betyding for individ og samfunn
• kan finne, vurdere og vise til relevant informasjon og fagstoff og framstille dette både munnleg og skriftleg

Generell kompetanse:
Studenten…

• har innsikt i forhold som medverkar til sosial ulikskap
• kjenner til menneske sine ulike utgangspunkt og sårbarheit, verdiar og levemåte

Krav til forkunnskapar

Emnet er berre ope for studentar som er tekne opp på bachelor i sosialt arbeid.

Tilrådde forkunnskapar

Ingen

Undervisnings- og læringsformer

I dette emnet er undervisinga hovudsakleg gitt som undervising i klasserom, digital undervisning i form av online førelesningar i Canvas og ferdigheitstrening i gruppe ved bruk av video under rettleiing av faglærar.

Obligatorisk læringsaktivitet

Følgjande obligatoriske læringsaktivitetar må vera godkjent for at studenten kan framstille seg til eksamen:

1. Ferdigheitstrening i kommunikasjon og relasjon.  
2. Gruppepresentasjon av videoeksemplar.

Godkjende  læringsaktivitetar er gyldige i fire semester. 

Vurderingsform

Eksamen
Mappeeksamen med to individuelle skriftlege oppgåver, kvar med eit omfang på 2000 ord +/- 10 %. Vekting av oppgåvene er 50 / 50.

Studentane får rettleiing i form av individuell, skriftleg tilbakemelding på den første mappeoppgåva før innlevering av eksamen.

Begge oppgåver må være greidd for å få greidd eksamen.

Tid og stad for eksamen, sjå Studentweb.

Vurderingsutrykk:
Gradert karakterskala, der  A-F er greidd og F svarar til ikkje greidd.

Ny eksamen
Dersom kandidaten får karakteren F på mappeeksamen, leverer kandidaten revidert utgåve ved eit nytt eksamensforsøk.

Dersom kandidaten får karakteren F ved andre forsøk skal det leverast ei ny oppgåve med ny problemstilling.

Hjelpemiddel ved eksamen

Alle

Meir om hjelpemiddel