GK305 Fleirkulturell praksis

Innhald og oppbygging

Fleirkulturell praksis har hovudfokus på praksis og prosjektarbeid i Zambia, men alternativ praksis i andre afrikanske land kan òg vere aktuelt.

• Praksis på eit felt som er relevant for studentane sin profesjon
• Datainnsamling og prosjektarbeid. Tema for prosjektet skal godkjennast av rettleiar
• Individuell refleksjon og skriving av prosjektoppgåve
• Samfunnsvitskapleg metode og kritisk tenking er sentrale arbeidsmåtar

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om samfunnsvitskaplege metodar i ein ny kulturell kontekst
• har kunnskap om internasjonalt sosialt arbeid
• kan samle inn og bruke relevant fagleg kunnskap i ulike faglege samanhengar både munnleg og skriftleg

Ferdigheiter

Studenten

• kan bruke eigen profesjonskunnskap i ein ny kulturell kontekst gjennom respekt og toleranse for menneske frå andre kulturar
• kan samhandle og kommunisere verbalt og nonverbalt med menneske frå ulike kulturar
• kan bruke samfunnsvitskaplege metodar og skrive ei praksisnær prosjektoppgåve
• kan samhandle på tvers av ulike profesjonar

Generell kompetanse

Studenten

• kan overføre profesjonskunnskap og erfaringar frå afrikansk til norsk kontekst
• kan utvide eigen forståingshorisont i møte med andre menneske og reflektere kritisk over eigen kulturell ståstad i møte med andre 

Krav til forkunnskapar

Opptak på Global kulturkunnskap, og aktiv studierett på bachelor i barnevernpedagogikk, sosialt arbeid eller vernepleie.

Undervisnings- og læringsformer

Undervisningsformene er knytt til praksis i ein annan kultur, diskusjon med medstudentar under opphald i utlandet og samarbeid med medstudentar og rettleiarar. Sjølvstendig arbeid både i praksis, med datainnsamling og oppgåveskriving krev sjølvdisiplin og tilpassingsevne i ein ny kulturell kontekst.

Obligatorisk læringsaktivitet

Følgjande obligatoriske læringsaktivitetar må vere bestått for å kunne framstille seg til eksamen:

1. Studentane må aktivt delta på introduksjonsprogram.

2. Obligatorisk deltaking på seminar og rettleiing.

3. Gjennomført og godkjend praksis (inkludert før- og etterarbeid).

4. Innsamling av data til prosjektoppgåve.

Vurderingsform

Individuell prosjektoppgåve. Ca 6000 ord.

Vurderingsutrykk:

Bokstavkarakter A-F, der F er strykkarakter.

Hjelpemiddel ved eksamen

Ingen

Meir om hjelpemiddel