ID3-331 Gruppetreningsinstruktør

Innhald og oppbygging

• Gjennomføring og rettleiing av ulike timar med fokus på styrke, uthald, koordinasjon og rørsleevne
• Instruktørrolla- coaching og øvingsbilete
• Intensitetsstyring- ulik intensitet retta mot ulike målgrupper
• Treningslære retta mot trening i grupper
• Bruk av musikk på ulike timar

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om treningslære innanfor uthald, styrke og bevegelegheit relatert til trening av grupper både ute og inne
• har kunnskap om coaching
• har kunnskap om intensitetsstyring
• har kunnskap om musikk som hjelpemiddel

Ferdigheiter:

Studenten

• kan planlegge, gjennomføre og vurdere ulike typar timar med fokus på styrke, uthald, koordinasjon og rørsleevne ute og inne for ulike målgrupper
• kan motivere og rettleie deltakarar til funksjonell og effektiv trening
• kan legge til rette for ulike målgrupper i ein og same time

Generell kompetanse

Studenten

• kan legge til rette for gode treningsopplevingar

Krav til forkunnskapar

Fullført 60 studiepoeng idrett eller tilsvarande.

Undervisnings- og læringsformer

Undervisnings- og læringsformene er førelesing, gruppe- og individuelt arbeid og praktiske timar ute og inne. Det blir lagt til rette for obligatoriske læringsaktivitetar knytt opp mot ulike læringsmål for at studentane kan ta ei aktiv rolle i læringsprosessen, mellom anna praktiske oppgåver.

Obligatorisk læringsaktivitet

For å ha rett til å ta eksamen må alle obligatorikse læringsaktivitetar vera godkjent. Det er obligatorisk frammøte og krav om aktiv deltaking frå studenten i undervisning med obligatoriske læringsaktivitetar. Desse blir spesifisert i kursplanen.

• Godkjent tre arbeidskrav knytt til trening av ulike typar målgrupper, framlegging og innlevering.

Vurderingsform

Individuell praktisk eksamen med munnleg eksaminasjon, ein time. Vurdering med karakter A-F.