JU6-404 Jus for offentleg leiing

Innhald og oppbygging

Emnet skal gje studentane forståing for korleis forvaltningsretten sine rettsreglar legg rammer for styring og leiing i offentlege verksemder generelt, og særleg i helse- og omsorgssektoren og utdanningssektoren.  I tillegg skal studentane ha eit oversyn over korleis ein løyser praktisk juridiske problemstillingar.

Læringsutbytte

Etter avslutta emne skal studenten ha følgjande kunnskapar, ferdighetar og kompetanse

 

Kunnskap

• Ha god kunnskap om dei viktigaste reglane for sakshandsaming innan offentlege verksemder, og særleg innan helse- og velferdssektor og skulesektor.
• Ha innsikt i internkontroll som metode.

 

Ferdighet

• Kunne sakshandsame juridiske problemstillingar innafor eige praktiske ansvars- og arbeidsområde i sektoren
• Ved delegering kunne leie og rettleie andre i sakshandsaming

 

Generell kompetanse

• Ha grunnleggande forståing for forvaltningsretten sine rettsreglar generelt, for arbeidsrett, samt dei sentrale rettsreglane for eigen sektor og fagområde spesielt.

Krav til forkunnskapar

Sjå generelle opptakskrav i studieplanen

Undervisnings- og læringsformer

Forelesingar, øvingsoppgåver (sjå arbeidskrav) og sjølvstudium.

Obligatorisk læringsaktivitet

Arbeidskrav nr. 4a: Praktisk oppgåve i forvaltningsrett med individuell tilbakemelding (omfang 600 - 1200 ord).

Arbeidskrav nr. 4b: Praktisk oppgåve i helse- eller utdanningsrett med individuell tilbakemelding (omfang 750 ord).

Vurderingsform

Heimeeksamen - 8 dagar. Individuelle svar på utlevert oppgåvetekst. Omfang 3000 - 3500 ord.

Formelle krav til innleveringa vert gjort kjende ved utdeling av oppgåvene.

Bokstavkarakter A - F der F er "ikkje greidd".

Ved stryk eller gyldig fråvær kan kandidaten få ny vurdering i det påfølgjande semesteret. Ved ynskje om forbetring av karakteren må kandidaten vente til neste gong ordinær eksamen vert arrangert (neste haust). Kandidaten melder seg då til vurdering i emnet igjen innanfor dei sette fristane for vurderingsmelding.

Hjelpemiddel ved eksamen

Heimeeksamen - kan bruke tilgjengelege hjelpemiddel

Meir om hjelpemiddel