MGBKØ401 Kroppsøving 2, emne 2 - Kroppsøvingsfaget, lærarkompetanse, forsking og utviklingsarbeid

Innhald og oppbygging

Emnet tek sikte på å utdjupa kunnskap om og forståing av kroppsøving, og inneheld ei innføring i metodisk vitskapleg arbeid.

Sentralt står korleis ein som kroppsøvingslærar kan bidra til fagleg utvikling og nyttegjere seg kunnskap frå norsk og internasjonal forsking i arbeid med eiga lærarrolle og profesjonsutvikling. Innføring i og praktisk erfaring med forsking og utviklingsarbeid relatert til begynnaropplæring, kroppsøving og lærarkompetanse pregar difor oppbygginga av emnet.

Ein sentral del av emnet er FoU-oppgåva på 7,5 studiepoeng som er eit samarbeid med pedagogikk og elevkunnskap.

Emneplanen følgjer progresjonen i praksis og i dei fagovergripande tema slik det går fram av studieprogramplanen og emneplanen for praksis for det aktuelle året. Kompetanse frå emnet skal bringast ut i praksis og erfaring frå praksis skal bringast tilbake til emnet og gje grunnlag for vidare profesjonsutvikling.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om profesjonsrettet og praksisorientert forsking og utviklingsarbeid med relevans til kunnskapsproduksjon i kroppsøving
• har kunnskap om kroppsøving og innsikt i relevante fagdidaktiske problemstillingar i arbeid mot profesjonsfagleg utvikling

Ferdigheiter

Studenten

• kan gjennomføra forskings- og utviklingsarbeid knytt til lærarkompetanse i kroppsøving
• kan formulere problemstillingar og bruke relevant teori og forsking i arbeid med FoU-oppgåva
• kan vidareutvikla eigne ferdigheiter og kunnskapar innan område som leik, idretts- og bevegelsesaktivitetar, dans og nærfriluftsliv med tanke på undervising i kroppsøving
• kan kritisk vurdere ulike aktivitetar og arbeidsmåtar med tanke på begynnaropplæring, undervising og læring i kroppsøving

Generell kompetanse

Studenten

• kan bidra til nytenking og innovasjon i faget kroppsøving og fysisk aktivitet i skulen
• kan bidra til profesjons- og skuleutvikling med utgangspunkt i kroppsøving

Krav til forkunnskapar

Ingen

Tilrådde forkunnskapar

Kroppsøving 1 emne 1 og 2 gir grunnlag for den faglege forståinga og eigenutviklinga som dette emnet legg opp til.

Undervisnings- og læringsformer

Studenten møter varierte og yrkesrelevante arbeids- og læringsformer i emnet. Det vil vere førelesingar, praktiske timar, eigenaktivitet og forpliktande samarbeid i ulike gruppestorleikar.

Obligatorisk læringsaktivitet

• Framdriftsseminar med presentasjon knytt til FoU-oppgåve
• Friluftsliv med overnatting

Det vil vere krav om frammøte knytt til nokon av dei obligatoriske læringsaktivitetane

Obligatoriske læringsaktivitetar må være fullført til fastsette fristar og godkjent før ein kan gå opp til eksamen.

I samband med ekskursjonar må studentar ved HVL vera førebudd på å betale ein eigenandel. Det vert lagt til rette for kompensatorisk oppgåve.

Vurderingsform

Del 1: FoU-oppgåve. Vekting 50 % av endeleg karakter.

Del 2: Praktisk eksamen, 4-6 dagar. Ein praktisk eksamen der studenten planlegg og gjennomfører eit undervisingsopplegg som inkluderar refleksjon over fagdidaktiske problemstillingar med sikte på å vise fagkompetanse knytt til eiga undervisning og læring i kroppsøving. Vekting 50 % av endeleg karakter.

Karakterskala A-F, der F svarar til ikkje bestått.

Begge delar må være bestått for å få karakter i emnet. Ved ikkje bestått på ein av delane, kan den delen som ikkje er bestått bli tatt som ny eksamen.

Det er mogeleg å levere forbetra versjon (del 1) i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny oppgåve.

Hjelpemiddel ved eksamen

Alle hjelpemiddel er tillatt.

Meir om hjelpemiddel