LUPEKP400 Praksis 4.år kroppsøving og idrettsfag

Innhald og oppbygging

Praksis er ein integrert del av faga i utdanninga og skal bidra til at studentane utviklar evne til å reflektere over og utvikle eiga profesjonsutøving. Praksis er obligatorisk, og studentane skal gjere seg kjend med innhaldet i denne planen og retningslinjene for praksis på nettsida om praksis i utdanninga.

Praksisen er fordelt med 20 dagar haust (vidaregåande opplæring) og 10 dagar vår (spesialpedagogisk praksis), totalt 30 arbeidsdagar.

Gjeld vgs-praksis: studentane som var i praksis i kroppsøving 2.studieår skal ha praksis på idrettsfag, slik at alle studentar etter 4.studieår har hatt praksis i både kroppsøving og idrettsfag i vidaregåande skule.

Praksis kan også føregå på enkelte andre dagar/kveldar i samband med planleggingsdagar, foreldremøte, elevsamtalar, foreldresamtalar, aktivitetsdagar, ekskursjonar m.m. Det skal leggast til rette for at for- og etterarbeid kan gjerast innanfor ordinær arbeidstidsramme. Ved eventuell kveldspraksis og/eller praksis i samanheng med helg, skal arbeidsdagen forskyvast eller kompenserast for på andre dagar.

Ein praksisdag skal tilsvare ein arbeidsdag, og studenten skal vere tilstades 7,5 timar kvar dag.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om læring, læreprosessar, arbeidsmåtar, læremidlar og vurderingsformer som særpregar kroppsøving og idrettsfag
• har inngåande kunnskap om samspelet mellom elevar og mellom elev og lærar, om skuleleiing, klasseleiing, teamarbeid og skule-heimsamarbeid
• har kunnskap om læraren sin rolle som kulturformidlar

Ferdigheiter

Studenten

• kan aleine og saman med andre planlegge, gjennomføre og vurdere undervisning i vidaregåande opplæring ut frå nasjonale styringsdokument
• kan bruke eit breitt utval av arbeidsmåtar og læremidlar i undervisninga og på ulike læringsarenaer
• kan vere ein tydeleg leiar og leie læringsarbeid for ulike elevar, samt kunne bidra til samarbeid og utvikling i eit profesjonsfellesskap

Generell kompetanse

Studenten

• kan drøfte undervisning, læring og fag i lys av aktuelle læreplanar og profesjonsetiske perspektiv
• kan analysere og vurdere relevante faglege og etiske problemstillingar, samt setje i verk relevante tiltak
• kan vurdere og kritisk reflektere over eigen lærarkompetanse og eige læringsbehov, og kan bidra til nytenking om profesjonsutøving

Krav til forkunnskapar

• LUPEKP100 Praksis 1.år kroppsøving og idrettsfag
• LUPEKP200 Praksis 2.år kroppsøving og idrettsfag
• LUPEKP300 Praksis 3.år kroppsøving og idrettsfag, eller tilsvarande

Undervisnings- og læringsformer

I praksis inngår ulike arbeidsformer i tillegg til planlegging, gjennomføring og evaluering av undervisning/aktivitet. Døme på andre arbeidsformer, kan vere observasjonsoppgåver, gje/ta imot kollegarettleiing, skrive refleksjonsnotat, halde innlegg/framlegg, delta på ulike møte, for eksempel foreldremøte, lærar- eller personalmøte. Studenten skal følgje arbeidsdagen og arbeidsoppgåvene til praksislæraren/rettleiaren så langt det er mogeleg.

I skulepraksis skal studenten som har ansvar for ei undervisningsøkt lage eit planleggingsdokument som skal leverast i god tid før økta, slik at studenten kan få rettleiing i forkant. Rettleiing etter gjennomført undervisning skal gjerast saman med praksislæraren og praksisgruppa, og skal innehalde refleksjon og avaluering av økta.

Obligatorisk læringsaktivitet

Ingen

Vurderingsform

Obligatorisk 30 dagar rettleia og vurdert praksis.

2 delvurderingar: bestått/ikkje bestått

• P1 haust: Sluttvurdering etter 20 praksisdagar i vidaregåande opplæring
• P2 vår: Sluttvurdering etter 10 dagar spesialpedagogisk praksis

Samla sluttvurdering vår: bestått/ikkje bestått.

Begge delane må vere bestått for å få bestått i emnet. Ved ikkje bestått på ein av delane, kan den delen takast opp att åleine.

Studenten kan ikkje klage på vurderingsresultat i praksis. Dersom praksis ikkje er bestått, kan studenten gjennomføre andre forsøk neste gong emnet går ordinært. Dette kan påverke studenten sin studieprogresjon.

Hjelpemiddel ved eksamen

-

Meir om hjelpemiddel