MKUF502D Musikkdidaktiske og kunstfaglege arbeidsmåtar og forskingsformer

Innhald og oppbygging

I emnet skal studentane arbeide vidare med musikkpedagogisk, musikkdidaktisk og kunstnarisk tematikk. Emnet skal gi studentane ei brei base som grunnlag for vidare arbeid i masterstudiet gjennom fokus på forskings- og utviklingsarbeid, teoretisk kunnskap og praktisk, utøvande verksemd. Sentralt i emnet står litteraturstudiar, tekstproduksjon og arbeid med eit skapande prosjekt i samhandling med ei utvald målgruppe. Studentane vil i samband med prosjektet bli utfordra til å reflektere over eigen utøvande verksemd med utgangspunkt i relevant litteratur knytt til relasjonell estetikk, kunstfaglege forskingsformer og kreativitetsteori.

Læringsutbytte

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskap

Studenten

• har inngåande kunnskap om problemområde i det musikkpedagogiske og fagdidaktiske forskingsfeltet
• har inngåande kunnskap om ulike sider ved vitskapleg, kunstnarisk og estetisk argumentasjon, refleksjon og teoriutvikling knytt til musikkfaget
• har avansert teoretisk og praktisk kunnskap om kunstfaglege forskingsformer og kunstnarisk arbeid og produksjonsprosessar i skule og fritidsmusikkliv,

Ferdigheiter

Studenten

• kan analysere, drøfte og kritisk vurdere musikkpedagogisk, musikkdidaktisk og kunstnarleg forskingsarbeid og forskingslitteratur
• kan planlegge, gjennomføre og samarbeide om kreative kunstnariske utviklingsprosessar og reflektere kritisk rundt eige skapande arbeid

Generell kompetanse

Studenten

• kan formidle omfattande sjølvstendig arbeid og meistre fagområdet sine uttrykksformer
• kan drøfte og analysere musikkpedagogiske og musikkdidaktiske problemstillingar på ein reflektert og systematisk måte

Krav til forkunnskapar

Ingen

Tilrådde forkunnskapar

MKUF501D Musikkfaglig profesjonsutvikling

Undervisnings- og læringsformer

Undervisninga vil vera samlingsbasert og nettstøtta. Arbeidsformene i emnet vil veksle mellom gruppearbeid, forelesingar, litteraturstudiar, praktisk arbeid, rettleiing, studentframlegg og bruk av nettbaserte ressursar.

Obligatorisk læringsaktivitet

• To skriftlege arbeid
• Obligatorisk frammøte på samlingane
• Gjennomføring av oppgåver som førebuing til samlingar og framlegging av arbeid på samlingar og nettmøter

• Aktiv deltaking på obligatorisk undervisning og øvingar i samband med praktisk prosjekt

Obligatoriske læringsaktivitetar blir nærare presisert ved semesterstart.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Praktisk eksamen.

Praktisk eksamen blir gjennomført i gruppe. Studentane skal i tillegg levere individuell forskingsbasert refleksjonstekst. Studenten får samla sett ei individuell vurdering.

Karakterskala: Bestått/Ikkje bestått.

Hjelpemiddel ved eksamen

Alle hjelpemiddel er tillate.

Meir om hjelpemiddel