SA597 Danning og akademisk handverk - historie

Innhald og oppbygging

Emnet skal utvikle studentane sin kunnskap om ulike profesjonar, forståing av eige fagområde og refleksjon over kunnskap og etikk. Dette vert sett i høve til berekraftig utvikling for å fremja perspektiv og teoriar som aukar forståinga av globaliseringa i samtida og gir grunnlag for å meistre samansette uføresette utfordringar. Emnet bidreg til å stimulere studenten til å vere aktiv og nysgjerrig, til å ta ansvar for eiga læring og til å utvikle evna til nyskaping.

Berekraft-omgrepet omfattar eit bevaringsperspektiv, men har også i seg ønskje om nyskaping og utvikling. Berekrafta står på tre likestilte pilarar: økologisk berekraft, økonomisk berekraft (til dette høyrer likeverd) og sosio-kulturell berekraft (inkludert global sosial rettferd).

Danning seier noko om korleis personlegdom, oppførsel og moral til eit menneske formast i eit samfunn. Menneskets evne til å forma seg og la seg forma med utgangspunkt i kunnskap, haldningar og åtferd hjelper mennesket å leva på ein meiningsfull måte i og med verda. Danning er det som tillèt det siviliserte, berekraftige og frie samfunnet å eksistere og gjer det mogleg å takle den historiske situasjonen.

Utdanning byggjer menneske og samfunn. Utdanning er mennesket si tileigning av kunnskap, ferdigheiter og evner, ein viktig del av danninga som set mennesket i stand til å delta i eit samfunn i endring.

Skriveprosessen står sentralt i ei akademisk utdanning, og det akademiske handverket er i emnet knytt til å skrive akademiske tekstar.

Emnet har ein fellesdel som utgjer 5 studiepoeng og ein utdanningsspesifikk del på 5 studiepoeng. Fellesdelen og utdanningsdelen i emnet utgjer ei integrert eining i undervisninga.

Innhaldet i emnet er: etikk, vitskapsteori, vitskaplege metodar, berekraft, akademisk skriving, informasjonskompetanse, kjeldebruk, kommunikasjon, samarbeid og profesjonshistorie.

Læringsutbytte

Fellesdel

Kunnskapar

Kandidaten

• har kunnskap om sentrale problemstillingar innanfor eige fagområde og innanfor vitskapane generelt.
• har kunnskap om kommunikasjon og samarbeid.
• har kunnskap om etikk.

Ferdigheiter

Kandidaten

• kan reflektere over sentrale problemstillingar innanfor eige fagområde og innanfor vitskapane generelt, samt trekke inn etiske problemstillingar knytt til desse.
• kan finne, vurdere og bruke ulike kunnskapskjelder og digitale verktøy i eiga kunnskapsbygging.
• kan utvikle, revidere og ferdigstille ein fagleg tekst som tilfredsstiller dei akademiske krava.

Generell kompetanse

Kandidaten

• kan planlegge og gjennomføre varierte arbeidsoppgåver som strekker seg over tid, både åleine og som deltakar i ei gruppe.
• kan formidle og diskutere sentralt fagstoff og vere kritisk til eige fagområde og til vitskapane generelt.

Fagspesifikk del

Kunnskapar

• Kjenner til uviklinga og innhaldet i historisk og samfunnsvitskapleg metode og arbeidsmåtar.

Ferdigheiter

• Kan nytte historie- og samfunnsfaglege arbeids- og tenkemåtar i møte med faglege tekstar og elles i det akademiske arbeidet.

.

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Det vert nytta studentaktive læringsformer og ein omvendt klasserompedagogikk med digitale ressursar i emnet i Canvas.

Undervisnings- og læringsformene vil variere mellom ressursforelesningar og aktivitetar som fremjar refleksjon og gruppetilhøyrsle. Studentane får rettleiing.

Obligatorisk læringsaktivitet

Obligatoriske læringsaktivitetar må vere godkjende før studenten får framstille seg til eksamen i emnet.

• Individuelt skriftleg arbeid der studenten skal skrive ein akademisk tekst knytt til eigen profesjon eller eige fagområde. (lengde på teksten må definerast av studieprogramansvarleg i tråd med emneomfang).
• Digitalt kurs i informasjonskompetanse for å kunne finne, vurdere og bruke ulike kunnskapskjelder og digitale verktøy i eiga kunnskapsbygging.
• Deltaking i gruppearbeid med rettleiing knytt til å kunne formidle sentralt fagstoff, diskusjonar om berekraft samt refleksjon omkring eige fagområde og til vitskapane generelt.

Krav til deltaking/frammøte i obligatoriske læringsaktivitetar er 80%, jf. forskrift om studium og eksamen ved HVL §8-4(3).

Vurderingsform

Skriftleg gruppebasert oppgåve.

Omfang: 2000 ord pluss/minus 10%.

Karakterskala: bestått/ikkje bestått.

Dersom oppgåva ikkje er bestått, er det mogeleg å levere omarbeidd versjon seinast ved utgangen av påfølgjande semester.

Hjelpemiddel ved eksamen

Alle hjelpemiddel er tillatne. For meir informasjon om bruk av kunstigintelligens (KI) sjå Innlevering av heimeeksamen og oppgåver - Høgskulen på Vestlandet (hvl.no)

Meir om hjelpemiddel

Fagleg overlapping

• NABP1003 - Danning og akademisk handverk - Sjømannskap - Reduksjon: 5 studiepoeng
• BØA119 - Danning og akademisk handverk - Reduksjon: 5 studiepoeng
• SOS110 - Danning og akademisk handverk - Sosiologi - Reduksjon: 10 studiepoeng
• BARN110 - Danning og akademisk handverk - Reduksjon: 5 studiepoeng
• BIO101 - Danning og akademisk handverk - Reduksjon: 5 studiepoeng
• ERG110 - Danning og akademisk handverk - Reduksjon: 5 studiepoeng
• FYS110 - Danning og akademisk handverk - Reduksjon: 5 studiepoeng
• IDF100 - Danning og akademisk handverk - Reduksjon: 5 studiepoeng
• LUPEKI101 - Danning og akademisk handverk - Reduksjon: 5 studiepoeng
• LUPEM101 - Danning og akademisk handverk - Reduksjon: 5 studiepoeng
• RAD110 - Danning og akademisk handverk - Reduksjon: 5 studiepoeng
• SAB110 - Danning og akademisk handverk - Reduksjon: 5 studiepoeng
• SYKB110 - Danning og akademisk handverk - Reduksjon: 5 studiepoeng
• SYKDB110 - Danning og akademisk handverk - Reduksjon: 5 studiepoeng
• SYKDES110 - Danning og akademisk handverk - Reduksjon: 5 studiepoeng
• SYKDF110 - Danning og akademisk handverk - Reduksjon: 5 studiepoeng
• SYKDH110 - Danning og akademisk handverk - Reduksjon: 5 studiepoeng
• SYKF110 - Danning og akademisk handverk - Reduksjon: 5 studiepoeng
• SYKS110 - Danning og akademisk handverk - Reduksjon: 5 studiepoeng
• SYKH110 - Danning og akademisk handverk - Reduksjon: 5 studiepoeng
• VPD110 - Danning og akademisk handverk - Reduksjon: 5 studiepoeng
• VPL110 - Danning og akademisk handverk - Reduksjon: 5 studiepoeng