SA607 Historiefagleg kommunikasjon

Innhald og oppbygging

Emnet har som føremål å få studentane til å skrive om bacheloroppgåva til ein fagartikkel, ein kronikk eller eit anna produkt som kan publiserast i eit eigna medium i papirformat (tidsskrift, avis) eller på ei publiseringsteneste på Internett. Alternativt kan studenten lage ein podkast eller halde eit føredrag. Emnet skal tene til å utvikle medvitet om kva som skil ein rein fagtekst (bacheloroppgåva) frå formidling som har ei breiare målgruppe i sikte, t.d. lesarar av eit lokalhistorisk tidsskrift.

Læringsutbytte

Ein student med fullført emne skal ha følgande totale læringsutbytte definert i kunnskap, ferdigheiter og generell kompetanse:

Kunnskap

Studenten ....

• kan gjere greie for sjangeren fagartikkel i historie
• kan gjere greie for ulike formidlingsplattformer for historie

Ferdigheiter

Studenten...

• kan skrive ein kortare populært innretta fagartikkel eller halde eit føredrag om eit historisk emne basert på bacheloroppgåva

Generell kompetanse

Studenten..

• kan skrive ein fagtekst om eit historisk tema med vekt på formidlingsaspektet og etter vitskaplege kriterium

Krav til forkunnskapar

Bacheloroppgåve i historie (SA523) må vere innlevert til eksamen.

Tilrådde forkunnskapar

Ingen

Undervisnings- og læringsformer

Sjølvstudium, forelesingar (direkte/opptak), studentaktive økter og læringsressursar på nett. Det blir oppmoda til at studentane dannar eigne studiegrupper for å sikra best mogleg læring.

Obligatorisk læringsaktivitet

Ingen

Vurderingsform

Oppgåve (individuell). Oppgåva skal vere eit publiseringsklart produkt som kan sendast til ein aktuell utgjevar, eller eit føredrag, samt eit refleksjonsnotat.

Vurdering: Greidd/ikkje greidd.

Ved ikkje greidd leverer ein forbetra versjon av produktet påfølgjande semester.

Hjelpemiddel ved eksamen

Alle

Meir om hjelpemiddel