SA608 Historie fordjuping: Kunnskapshistorie

Innhald og oppbygging

Vår tid blir gjerne kalla eit kunnskapssamfunn eller jamvel eit forskingsavhengig samfunn. Korleis kan vi forstå vitskap og kunnskap i eit historisk perspektiv? Dette emnet tek for seg nokre innfallsvinklar til slike spørsmål, der endringar innanfor vitskap, forsking og teoretisk kunnskap blir sett i ein større historisk kontekst, og der vi prøver å identifisere viktige samfunnsmessige, sosiale og institusjonelle vilkår for det som skjedde. Emnet tek for seg så vel vitskapshistorie som historie om kunnskap i ein breiare forstand, som til dømes kunnskapsrørsler, kunnskapsarenaer, kunnskapsmangfald, profesjonar og teknologihistorie.

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap

Studenten…

• Kjenner dei tilnærmingane til studieobjekta som har dominert den moderne vitskapen i ulike periodar
• Kjenner viktige døme på kunnskapsaktørar og kunnskapsarenaer i ulike epokar og kulturar
• kan greie ut om forholda mellom kunnskap og samfunn i ulike epokar, med omsyn på både akademisk og ikkje-akademisk kunnskap
• kan greie ut om kjenneteikn på moderne profesjonar og om ulike teoriar for korleis dei har vakse fram
• kjenner grunnleggjande kunnskapssosiologisk terminologi, som kunnskapssirkulasjon, modus 1 og 2 samt aktør-nettverk-teori

Ferdigheiter

Studenten

• kan drøfte korleis kunnskap er institusjonalisert i dag, og setje dette i eit historisk perspektiv
• kan gjere greie for motspel og medspel mellom kunnskap og politikk i fortid og notid
• kan vurdere korleis viktige kunnskapsaktørar sjølv formidlar og brukar si eigen historie.

Generell kompetanse

Studenten kan…

• skrive ein tekst om eit kunnskapshistorisk tema basert på dei nyaste fagteoriane og problemstillingane
• handsame og vurdere større informasjonsmengder med eit fagleg blikk
• ha innsikt i dei analytiske, fortolkande og kreative prosessane som ligg bak skapinga av ny kunnskapshistorie

Krav til forkunnskapar

Ingen (sjå tilrådde forkunnskapar)

Tilrådde forkunnskapar

Første året av bachelorstudiet i historie eller årsstudium i historie.

Undervisnings- og læringsformer

Sjølvstudium, forelesingar (direkte/opptak), studentaktive økter og læringsressursar på nett. Vi oppfordrar studentane til å danne eigne studiegrupper for å sikre best mogleg læring.

Obligatorisk læringsaktivitet

Fleirvalstest (multiple choice) i heile pensum eller ein nærare definert del av pensum.

Arbeidskrav må blir vurderte til "godkjent" for å kunne gå opp til eksamen. Ved "ikkje godkjent" vil ein få ein ny sjanse.

Vurderingsform

Heimeeksamen, individuell (5 timar).

Karakterskala A-F, der F svarar til ikkje greidd.

Hjelpemiddel ved eksamen

Alle

Meir om hjelpemiddel