YFL814 Tilpassa opplæring og motivasjon i mangfaldige og fleirspråklege elevgrupper (del 1)

Innhald og oppbygging

Studiet rettar seg mot yrkesfaglærarar, og føremålet er å bevisstgjere og styrke yrkesfaglærarar sin kompetanse i pedagogikk og yrkesdidaktikk med særskilt fokus på tilpassa opplæring og motivasjon i mangfaldige og fleirspråklege elevgrupper. Studiet vektlegg kunnskap om korleis fremje læring og språkleg identitet gjennom kommunikasjon, relasjonskompetanse og elevmedverknad. Studiet tematiserer korleis varierte arbeidsmåtar, bruk av ulike ressursar, særleg digitale ressursar, og ulike læringsarenaer kan fremje motivasjon, meistring og engasjement for fleirspråklege elevar.

Arbeidet med læringsutbytte i studiet vil ta utgangspunkt i deltakarane sine erfaringar, undervisningspraksis og fagområde gjennom utprøving av og refleksjon kring metodar og arbeidsmåtar som fremjar læring og oppleving av samanheng i mangfaldige og fleirspråklege elevgrupper i yrkesfaglege program. Det er også eit mål at studiet skal bidra til kunnskapsdeling, nytenking og bevisstgjering i profesjonsfellesskapet på skulen til deltakarane.

Læringsutbytte

Ved fullført emne skal studenten ha følgande læringsutbyte:

Kunnskapar:

Studenten har kunnskap om

• fleirkulturell kompetanse, relasjons-, kommunikasjons- og rettleiingskompetanse

• korleis dei kan bidra til å styrke elevane si lærelyst og oppleving av samanheng i fleirspråklege og mangfaldige elevgrupper
• betyding av språkleg identitet, tryggleik og meistringsforventning i læreprosessar

• fleirspråklegheit på individ- og samfunnsnivå, nokre læringsteoriar og kva språklege utfordringar elevar med norsk som andrespråk kan ha
• ulike ressursar, metodar og hjelpemiddel, særskild knytt til ord- og omgrepslæring i programfaget
• skulen sine samarbeidspartnarar og korleis desse kan bidra til å sikre eit godt læringsmiljø for ungdom og vaksne

Ferdigheiter:

Studenten

• kan planleggje, grunngje, gjennomføre og evaluere eiga undervisning i fleirspråklege og mangfaldige elevgrupper med fokus på å leggje til rette for meiningsskaping, inkludering og lærelyst
• kan bruke varierte metodar, arbeidsmåtar og digitale ressursar som fremjar læring i ei fleirspråkleg elevgruppa på yrkesfag
• kan planleggje, gjennomføre og vurdere undervisning for elevar på yrkesfag med norsk som andrespråk
• kan tilpasse undervisninga på yrkesfag til elevar med ulik bakgrunn og varierande ferdigheiter i norsk
• kan bruke sentrale delar læreplanen til å planleggje, gjennomføre, og vurdere undervisning for elevar på yrkesfagleg program med norsk som andrespråk

Ved fullført emne skal studenten ha følgande læringsutbyte:

Kunnskapar:

Studenten har kunnskap om

• fleirkulturell kompetanse, relasjons-, kommunikasjons- og rettleiingskompetanse

• korleis dei kan bidra til å styrke elevane si lærelyst og oppleving av samanheng i fleirspråklege og mangfaldige elevgrupper
• betyding av språkleg identitet, tryggleik og meistringsforventning i læreprosessar

• fleirspråklegheit på individ- og samfunnsnivå, nokre læringsteoriar og kva språklege utfordringar elevar med norsk som andrespråk kan ha
• ulike ressursar, metodar og hjelpemiddel, særskild knytt til ord- og omgrepslæring i programfaget
• skulen sine samarbeidspartnarar og korleis desse kan bidra til å sikre eit godt læringsmiljø for ungdom og vaksne

Ferdigheiter:

Studenten

• kan planleggje, grunngje, gjennomføre og evaluere eiga undervisning i fleirspråklege og mangfaldige elevgrupper med fokus på å leggje til rette for meiningsskaping, inkludering og lærelyst
• kan bruke varierte metodar, arbeidsmåtar og digitale ressursar som fremjar læring i ei fleirspråkleg elevgruppa på yrkesfag
• kan planleggje, gjennomføre og vurdere undervisning for elevar på yrkesfag med norsk som andrespråk
• kan tilpasse undervisninga på yrkesfag til elevar med ulik bakgrunn og varierande ferdigheiter i norsk
• kan bruke sentrale delar læreplanen til å planleggje, gjennomføre, og vurdere undervisning for elevar på yrkesfagleg program med norsk som andrespråk

Generell kompetanse:

Studenten

• kan evaluere, justere og kritisk granske eigen relasjonskompetanse og evne til anerkjenning og forståing av sårbarheit i sosial utvikling og læring i fleirspråklege og mangfaldige elevgrupper
• kan drøfte sentrale tema innanfor fagområdet tilpassa opplæring og motivasjon i mangfaldige og fleirspråklege elevgrupper på yrkesfag
• kan vera nytenkande og kritisk reflekterande når det gjelder undervisning i fleirspråklege og mangfaldige elevgrupper og kunne dele kunnskap og metodar med profesjonsfellesskapet på eigen arbeidsplass

Krav til forkunnskapar

Ingen

Undervisnings- og læringsformer

Studiet vekslar mellom forelesningar, gruppearbeid, erfaringsutveksling og diskusjonar. Innhald og arbeidsmåtar i studiet tek utgangspunkt i deltakarane sine erfaringar og undervisningspraksis. Mellom samlingane skal studentane prøve ut metodar og ressursar for fleirspråklege klasserom. Dei deltek i digitale nettverksgrupper der det vert drøfta utprøvingar av didaktiske verktøy og digitale ressursar for ulike læringsarenaer, med særskilt fokus på språkleg og relasjonell kompetanse for å fremje motivasjon, meistring og oppleving av samanheng for alle elevar.

Studiet vektlegg studentaktive arbeids- og læringsformer på alle samlingar. Studentane skal ta ei aktiv rolle i læringsprosessar i studiefellesskapet. Dette er ein føresetnad for gjennomføring av obligatoriske læringsaktivitetar i studiet.

Vi vektlegg utprøving og bruk av ulike digitale verktøy og varierte dokumentasjonsformer, som studentane kan bruke med sine elevar. Vi bruker Canvas som lærings‐ og undervisningsplattform i studiet. Studentane blir organisert i nettverksgrupper som samarbeider om utprøving av verktøy og metodar og med nettstøtta rettleiing og oppfølging frå HVL.

Studiet er delvis nettbasert med to samlinga på campus Bergen og ei digital samling (alle på to dagar).

Obligatorisk læringsaktivitet

1. Utprøving i og kritisk analyse av eigen undervisningspraksis mellom samling ein og to.
2. Utprøving i og kritisk analyse av eigen undervisningspraksis mellom samling to og tre.
3. Presentasjon av erfaringar frå obligatoriske læringsaktiviteter i studiet for kollegaer på eigen skule
4. Aktiv deltaking på samlingar gjennom erfaringsdeling og drøftingar med medstudentar.

Alle obligatoriske læringsaktiviteter er relatert til føremål og læringsutbytte i emnet der felles refleksjonar og erfaringsdelingar er eit viktig kunnskaps- og utviklingsgrunnlag i utdanninga.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Munnleg eksamen i gruppe med utgangspunkt i teori og nye erfaringa frå utprøvingar av metodar og verktøy i sin undervisningspraksis.

Karakter: Greidd/ikkje greidd.

Eksamen vert organisert som eksamenskonferanse og det er obligatorisk deltaking på heile konferansen. Innhald i eksamenspresentasjonen er relatert til læringsutbytteformuleringar i studiet. Eksamen er open for kollegium og skuleleiing, samarbeidspartnarar frå næringslivet, representantar frå skuleeigar og PPU-studentar.

Hjelpemiddel ved eksamen

Alle hjelpemiddel er tillate.

Meir om hjelpemiddel