YV206 Kommunikasjon og norsk

Innhald og oppbygging

Kommunikasjonsteori og munnleg framstilling

Kommunikasjonsprosessar, mål- og mottakaranalyse, samarbeid og gruppefunksjonar, presentasjonsteknikk og retorikk

Skriftleg framstilling

Språklege verkemiddel, argumentasjon og retorikk, syntaks, pragmatikk, andre grammatiske emne, akademisk skriving og referansar, skriveprosessen, kjeldekritikk

Sjangerlære

Rapport, formelle brev og CV, møteinnkalling, instruksjon, referat, debattinnlegg, artikkel

Læringsutbytte

Kunnskap

Kandidaten skal ha

• kunnskap om kommunikasjonsprosessar og korleis språket kan brukast som verktøy i forhold til situasjon, mål og mottakar
• kunnskap om betydinga kulturelle element har i kommunikasjonsprosessar
• kjennskap til ulike sjangrar i sakprosa og skjønnlitteratur og viktige forhold i språkutviklinga

Ferdigheiter

Kandidaten kan

• definere kommunikasjonsmål og velje egna nivå og form på det som skal formidlast i forhold til mottakar og situasjon
• strukturere eigne tekstar og bruke relevante verkemiddel for form og tekstsamanbinding
• uttrykke seg skriftleg formelt korrekt, på norsk og engelsk, i ulike funksjonelle tekstar som kan vere aktuelle for ein ingeniør
• planlegge, strukturere og gjennomføre ulike former for munnlege presentasjonar på norsk og engelsk
• analysere bruken av ulike verkemiddel i skjønnlitteratur og sakprosa, saksframstilling og argumentasjon

Generell kompetanse

Kandidaten kan

• utforme klare, målretta og brukarvennlege rapportar, øvings- og prosjektdokument
• kommunisere effektivt i grupper
• planlegge og gjennomføre møte og diskusjonar
• innhente informasjon frå ulike kjelder og bruke desse kritisk i eigne arbeid
• setje opp ei kjeldeliste korrekt
• uttrykke seg skriftleg og munnleg gjennom ulike medium på norsk og engelsk

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Forelesingar

Øvingsoppgåver i grupper og individuelt

Munnlege presentasjonar

Prosjektarbeid

Arbeid med mappe

Då dette emnet er eit opptakskrav på ingeniørutdanninga, må det vere bestått før ein kan melde seg opp til haustemna i 3. semester og fortsette på ingeniørutdanninga etter første studieår.

Obligatorisk læringsaktivitet

Ein munnleg presentasjon på engelsk.

Ein munnleg presentasjon på norsk.

Begge arbeidskrava må vere godkjende før ein kan levere mappe til vurdering.

Vurderingsform

Mappe som består av fire innleveringar. Alle dei fire innleveringane må vere leverte og beståtte for å bestå i faget. Éi av innleveringane skal vere på engelsk. Dei obligatoriske læringsaktivitetane og dei fire innleveringane skal til saman dekkje læreplanmåla skildra under kunnskap, ferdigheiter og generell kompetanse i emneplanen.

Det blir gitt framovermelding undervegs på studentsvara for kvart mappeelement. Studentane får moglegheit til å forbetre innleveringane i ein gitt periode før karakteren på mappa blir sett.

Ved stryk i mappa kan eksisterande tekstar forbetrast og leverast på nytt påfølgande semester.

Vurdering: Gradert bokstavkarakter A-F.

Hjelpemiddel ved eksamen

Alle hjelpemiddel

Meir om hjelpemiddel