BBLPR301 Praksis 3. år

Innhald og oppbygging

Praksis i tredje studieår på barnehagelærarutdanninga er på 25 dagar. Det er ein obligatorisk del av utdanninga.

Studenten skal gjere seg kjend med innhaldet i denne planen og retningslinjene for praksisstudiet på nettsida for praksis i barnehagelærarutdanninga.

Praksis på 25 dagar skal ha tematisk fokus på utviklingsarbeid, samarbeid og leiing, samt innhald i fordjupinga.

Hovudfokus: studenten si leiing av barn og barnehagen.

Læringsutbytte

I tredje studieår skal studenten utvikle evne til pedagogisk leiing og leiing av endrings- og utviklingsprosessar i barnehagen og vise at pedagogisk leiing inneber profesjonsetisk bevissthet. Studenten skal fokusere både på eigen yrkesidentitet og barnehagen sitt samfunnsmandat, og kunne reflektere over dette. Studenten skal utvikle ulike sider ved barnehagelærarrolla, som å:

• Stå fram som barnehagelærar og kunne reflektera rundt ulike sider ved profesjonsutøvinga generelt og fordjupinga spesielt
• Kunne leie barnehagen som lærande organisasjon
• Auke si generelle pedagogiske leiarkompetanse
• Kunne legge til rette for eit miljø som fremmar og tek i vare på leik
• Kunne reflektere over balansen mellom målstyrt pedagogisk leiing og dialog med medarbeidarar og balansen mellom å ta omsyn til eigne behov og å vere orientert mot andre.

Studenten skal ha 5 leiardagar (minimum) i praksis 3. studieår.

Krav til forkunnskapar

Praksis andre studieår (BBLPR201) må vere bestått for at du kan starte denne praksisperioden.

Undervisnings- og læringsformer

All praksis blir gjennomført i barnehage.

Unntak: KUF301 har eit alternativt opplegg i samband med 10 dagar fordjuping. Dette kjem fram i emneplanen til faget.

Obligatorisk læringsaktivitet

-

Vurderingsform

25 dagar rettleidd og vurdert praksis fordelt på haust og vår med krav om 100% frammøte.

Praksis skal vurderast under eitt, med undervegsvurdering etter endt haustpraksis.

Praksis er fordelt ulikt på dei ulike campusa og dei ulike fordjupingane.

Sluttvurdering vår: bestått/ikkje bestått.

Om praksis ikkje blir bestått, kan studenten gjennomføre eit andre forsøk neste gong praksis går ordinært. Dette kan påverke studenten sin studieprogresjon.

Studenten kan ikkje klage på karakteren i praksis, men kan klage på formelle feil.

Hjelpemiddel ved eksamen

-

Meir om hjelpemiddel