BYG122 Berekraftig bygningstransformasjon og -forvaltning

Innhald og oppbygging

Emnet inneheld sentrale tema innan transformasjon/ombygging, livsløpsplanlegging, drift og forvaltning av eksisterande bygningar. Den norske bygningsmassen representerer, med sine 445 mill m2 golvflate, omlag like stor verdi som det norske oljefondet (2017). Å forvalte og fornye denne verdien på ein forsvarleg og ressurseffektiv måte, er viktig for både velferd og samfunnsøkonomi.

Emnet har to hovuddelar - ombygging av bygningar som legg vekt på teknisk tilstandsregistrering og - analyse, og drift og vedlikehald som legg vekt på planlegging, organisering og økonomisk styring i bruksfasen av bygningen sitt livsløp.

Målet med emnet er å gje studentane basiskunnskap om bygningen over livsløpet - frå nybygget står ferdig, gjennom ein bruksfase, ein ombyggingsfase og til slutt ein rivingsfase der materialar og komponentar skal sorterast og resirkulerast. Ressursbruk og levetid vert drøfta i høve til bygningen sine eigenskapar for den verksemda den til ei kvar tid skal tene. Vidare er det eit mål at studentane får basiskunnskap om bygnings- og arkitekturhistorie etter ca 1850.

Dei viktigaste temaene i emnet:

• Fasar i livsløpet til bygningen
• Bygnings- og arkitekturhistorie
• Teknisk tilstandsregistrering og -analyse
• Ombyggingsprosessen/transformasjon
• Byggetekniske problemområde
• Livsløpsøkonomien til ein bygning
• Planlegging og organisering av drift og vedlikehald
• Planlegging for drift og vedlikehald
• Funksjonsanalyse og arealeffektivitet
• Eksempel frå praksis

Læringsutbytte

Kunnskapar

• Ha grunnleggande kunnskap om fasar i livsløpet til ein bygning
• Kjenne til hovudtrekk i norsk bygnings- og arkitekturhistorie etter ca år 1850 - stilhistorie, materialbruk og konstruksjonar
• Kjenne til hovudtrekk i den historiske utviklinga for tekniske installasjonar i bygningar
• Ha grunnleggande kunnskap om tranformasjon- og ombyggingsprosessen - utgreiing, planlegging og gjennomføring
• Ha grunnleggande kunnskap om teknisk tilstandsregistrering og -analyse
• Kjenne til typiske byggetekniske problemområde ved ombygging og vedlikehald
• Ha grunnleggande kunnskap om livsløpsøkonomi og funksjonsanalyse
• Ha kunnskap om organisering og økonomisk styring i ulike FDV-organisasjonar
• Ha kunnskap om energi- og miljøvurderingar for ombygging/transformasjon
• Ha kunnskap om relevante lover, forskrifter og standarder

Ferdigheit

• Kunne greie ut om korleis ein bygning sine eigenskapar og økonomi utviklar seg over livsløpet
• Kunne gjennomføre ei fullstendig tilstandsregistrering og -analyse i samsvar med NS 3424
• Kunne utforme drifts- og vedlikehaldsplanar
• Kunne analysere og vurdere organisering og økonomi i ein FDV-organisasjon

Generell kompetanse

• Ha overordna kunnskap om kva bygningar betyr for samfunn og miljø
• Ha generell kunnskap om korleis verksemda vert påverka av bygningen sine eigenskapar
• Ha generell kunnskap om bygningar sin ressursbruk og miljøpåverknad

Krav til forkunnskapar

Ingen

Tilrådde forkunnskapar

BYG104 Bygningsfysikk

Undervisnings- og læringsformer

Førelesingar.

Rettleiing av prosjektarbeid i grupper.

Obligatorisk læringsaktivitet

Munnleg presentasjon av prosjektarbeid i grupper

Deltaking på felles befaring/feltarbeid

Vurderingsform

1. Skriftleg skuleeksamen, 4 timar (40% av endeleg karakter).

2. Prosjektarbeid i grupper (60% av endeleg karakter).

Begge delane må vere bestått for å bestå emnet.

Karakterskala A-F der F tilsvarar ikkje bestått.

Hjelpemiddel ved eksamen

Skriftleg skuleeksamen: Enkel kalkulator.

Prosjektarbeid i grupper: Alle hjelpemiddel er tillate.

Meir om hjelpemiddel