MKUF505 Prosjektskisse og forskingskontekst

Innhald og oppbygging

Målet med emnet er at studentane skal gjera seg kjent med relevante kunstfagdidaktiske og/eller formidlingsmessige forskingsfelt med tanke på utvikling og gjennomføring av eige masterprosjekt seinare i studiet. Sentralt i emnet står utvikling av prosjektskisse og utforsking av aktuelle forskingskontekstar og ulike formar for forskingsformidling. Emnet er todelt:  

Del 1: Prosjektskisse 

Studentane skal som del av emnet levere ei skriftleg prosjektskisse som er tematisk knytt til studieretningsfaget og dannar grunnlag for eit heilskapleg og gjennomførbart masterarbeid. Som del av prosjektskissa skal det utviklast ein tidsplan som skildrar framdrifta i masterarbeidet. I prosjektskissa skal studenten gjera greie for problemstilling og forskingsspørsmål, teoretiske perspektiv, metodiske spørsmål og formidlingsform.  

 Del 2: Forskingskontekst  og forskingsformidling

Studentane skal i emnet undersøke ein sjølvvald forskingskontekst som førebuing til eige masterarbeid. Gjennom oppgåva skal studenten reflektere over tidlegare forsking, aktuelt datamateriale og forskingsetiske spørsmål relevante for den aktuelle forskingskonteksten og forskningformidlingen. Arbeid knytt til aktuelle kunstfaglege forskings- og utviklingsprosjekt ved HVL kan vera del av oppgåva.  

Læringsutbytte

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskapar 

Studenten  

• kjenner eksisterande forsking innan det kunstfagdidaktiske og formidlingsmessige feltet relevant for problemstillinga i masteroppgåva 
• har spesialisert kunnskap om faglege diskursar innan det valde forskingsområdet for masteroppgåva 
• har avansert kunnskap om akademisk tekstproduksjon og utvikling av forskingsdesign 
• har kjennskap til ulike former for forskingsformidling

Ferdigheiter 

Studenten

• kan kritisk vurdere aktuell forsking innanfor eit avgrensa forskingsfelt og analysere relevansen av forskingsresultat som førebuing til eige masterarbeid 
• kan gjennomføre eit systematisk og kvalifisert arbeid som grunnlag for eige masterarbeid 
• kan vurdere og analysere aktuelle forskingsetiske problem og utfordringar i samband med kunstfagdidaktisk og formidlingsmessig arbeid 
• kan reflektere over forskingsfunn med tanke på noverande eller framtidig profesjonsutøving innan kunstfaga 
• kan planlegge og presentere ulike former for forskingsformidling

Generell kompetanse 

Studenten 

•  viser analytisk og kritisk tenking i samband med planlegging av eige forskingsprosjekt  
• kan systematisk kategorisere og vurdere relevans, innhald og argumentasjon i akademiske tekstar og knyte desse til eige forskingsprosjekt 
• kan kritisk vurdere og undersøke ein sjølvvald forskingskontekst med relevans med relevans for eige masterarbeid 
• kan planlegge og gjennomføre ulike former for forskingsformidling

Krav til forkunnskapar

• MKUF503 Estetikk og kreativitet
• MKUF504 Vitenskapsteori og metode
• Studieretningsemne 1 og 2

Undervisnings- og læringsformer

Undervisninga vil vera samlingsbasert og nettstøtta. Arbeidsformene i emnet vil veksle mellom forelesingar, litteraturstudiar, rettleiing, gruppearbeid, studentframlegg og bruk av nettbaserte ressursar.  

Obligatorisk læringsaktivitet

• Innlevering og godkjenning av skriftleg prosjektskisse 
• Eit arbeid knytt til sjølvvald forskingskontekst  
• Gjennomføring av oppgåver som førebuing til samlingar, aktiv deltakelse i undervisning samt framlegging av arbeid på samlingar og nettmøte 
• Obligatorisk deltaking på mastersamlingar i emnet

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Obligatoriske læringsaktivitetar blir nærare presisert ved semesterstart.

Vurderingsform

Munnleg presentasjon av prosjektskisse. 

Karakterskala: Bestått/Ikkje bestått. 

Hjelpemiddel ved eksamen

Alle hjelpemiddel er tillate.

Meir om hjelpemiddel