SØ6-402 Offentleg økonomiforvaltning

Innhald og oppbygging

I emnet vert det gitt innføring i økonomisk teori og tankegang. Det blir gitt innføring i økonomiske grunnomgrep knytt til velferdsstaten og offentleg sektor. Vidare blir det gitt innføring i det å nyttegjere seg sentrale planleggingsdokument i offentleg sektor, i kalkulasjon, rekneskap og budsjett, samt i økonomistyring, resultatmåling og lønsemd.

Læringsutbytte

Etter avslutta emne skal studenten ha følgjande kunnskap, ferdigheiter og generell kompetanse:

Kunnskap:

• Ha brei kunnskap om økonomisk teori og tankegang
• Ha inngåande kunnskap om sentrale økonomiske grunnomgrep knytt til velferdsstaten og offentleg sektor og kunne anvende denne på relevante problemstillingar
• Kjenne til eit utval sentrale planleggingsdokument i offentleg sektor, med relevans for eigen sektor og eiga driftseining

Ferdighet:

• Kunne analysere planleggingsdokument som er relevante for eigen sektor og eiga driftseining
• Som leiar kunne bruke økonomisk teori på konkrete avgjerdssituasjonar i eiga driftseining
• Vere i stand til å analysere og forhalde seg kritisk til samfunnsøkonomiske lønsemdsvurderingar, herunder vurdering av nytten og kostnader ved innovasjonsprosjekt.
• Ha innsikt i den økonomiske situasjonen i organisasjonen og kunne prioritere internt ut frå avgrensa ressursar
• Kunne bruke budsjettet som planleggingsverktøy

Generell kompetanse:

• Studentane skal etter avslutta kurs ha fått ei grundig forståing og innsikt i offentleg sektor og teorien for økonomisk politikk og økonomisk styring, med vekt på sektorane helse, velferd og utdanning og dei skal vite korleis dei skal kunne sikre god ressursutnytting i eiga driftseining
• Kunne nytte nokre sentrale grunnomgrep i økonomisk teori i forståinga av ressursforvaltning i eiga driftseining
• Kunne kommunisere med kollegaer og leiarar i eigen organisasjon om nokre grunntrekk i velferdsstaten og offentleg sektors økonomiske grunnlag og økonomiforvaltning
• Kjenne til og kunne analysere eit utval sentrale planleggingsdokument i offentleg sektor, med relevans for eigen sektor og eiga driftseining
• Kunne nytte sentrale omgrep som økonomistyring, lønsemd og resultatmåling i ei forståing av den offentlege leiarrolla.

Krav til forkunnskapar

Ingen

Undervisnings- og læringsformer

Forelesingar, casediskusjonar, gruppearbeid og skriftleg arbeid.

Obligatorisk læringsaktivitet

Individuell innleveringsoppgåve. Mellom 1000 og 1500 ord.

Vurderingsform

Heimeeksamen - 10 dagar. Omfang inntil 3500 ord. Formelle krav til innleveringa vert gjort kjende ved utdeling av oppgåvene.

Karakter A - F der F er "ikkje greidd".

Ved stryk eller gyldig fråvær kan studenten levere inn omarbeidd oppgåve til ny vurdering påfølgjande semester. Ved ynskje om forbetring av karakter kan omarbeidd tekst leverast inn neste gong eksamen vert arrangert.

Hjelpemiddel ved eksamen

Alle hjelpemidler er tillatne

Meir om hjelpemiddel

Fagleg overlapping

• SØ6-402 - Offentleg økonomiforvaltning - Reduksjon: 7,5 studiepoeng
• JU6-400 - Økonomi og jus i helse- og sosialsektoren - Reduksjon: 3,5 studiepoeng
• SØ6-400 - Økonomi i helse- og velferdssektoren - Reduksjon: 5 studiepoeng
• SØ6-401 - Økonomi i utdanningssektoren - Reduksjon: 5 studiepoeng