TEK802 Tekstilkultur 2

Innhald og oppbygging

Emne er eit samarbeid mellom Høgskulen på Vestlandet (HVL) og Vestnorsk Kulturakademi.

Tekstilkultur 2 byggjer på Tekstilkultur 1 og her går ein djupare inn i tekstilfaget. Studiet set fokus på den immaterielle kulturarva, og ser på tekstil i ein nasjonal kulturvern-samanheng og i ein verdsarv-samanheng. I studiet får du kunnskap og praktisk erfaring med ulike tradisjonelle handverksteknikkar, samt med å plassere teknikkane i ein kulturhistorisk og samtidsmessig kontekst. Faget er forankra i tekstil-kunst, -design, -handverk, -industri, og tekstilt kunsthandverk fra ulike tider og kulturar. Den pedagogiske grunntanken er læring gjennom handling. Ved kvar samling vert det sett av tid til igangsetjing og rettleiing av semesteroppgåva. Oppgåva skal ha ein teoretisk og ein praktisk del, omhandle eit sjølvvald tema. Dette skal leggast fram fysisk til eksamen og forsvarast munnleg.

Læringsutbytte

Ved fullført emne skal studenten ha følgjande totale læringsutbytte:

Kunnskap

Studenten

• har tileigna seg grunnleggjande kunnskap om relevante tekstile teknikkar, material og verktøy
• har tileigna seg grunnleggjande kunnskap om relevante aspekt ved tekstilfaget, og kan setje kunnskapen inn i ein nasjonal kulturvern- og verdsarv-samanheng
• har tileigna seg grunnleggjande kunnskap om tekstile material i eit miljøperspektiv

Ferdigheiter

Studenten

• har tileigna seg grunnleggjande erfaring med relevante tekstile teknikkar, material og verktøy
• kan anvende skisser og arbeidsprøver for å formidle eigen prosess
• kan formidle om relevante aspekt ved tekstilfaget i både nasjonal kulturvern- og verdsarv-samanheng.

Generell kompetanse

Studenten

• kan knytte eige skapande arbeid til nasjonal kulturvern- og verdsarv-samanheng
• kan reflektere rundt materialbruk i ein miljømessig og global kontekst

Krav til forkunnskapar

Ingen

Tilrådde forkunnskapar

TEK801 - Tekstilkultur 1

Undervisnings- og læringsformer

• Praktiske workshops
• Førelesingar
• Praktisk arbeid
• Ekskursjonar
• Faglege samtalar og diskusjonar
• Rettleiing
• Skriftlege oppgåver
• Munnleg presentasjon

Tekstilkultur 2 er eit samlingsbasert emne som er fordelt på fem fysiske samlingar over to dagar gjennom eit semester. Det blir ei digital samling i tillegg til dei fysiske samlingene. Det meste av studiearbeidet under samlingane er lagt opp til praktisk arbeid, demonstrasjonar og rettleiing, og forutset at studentane er fysisk til stades og tar aktiv del i læringsaktivitetane.

Studentane betaler kostnadar til læremiddel (formingsmateriale) i emnet (ca. 1000 kr). Om studentane vil arbeide i større format eller bruke andre materialar enn det skulen har på lager, må dei dekke dette sjølv. Kostnadar i samband med ekskursjonar må studenten dekke sjølv.

Obligatorisk læringsaktivitet

• Deltaking på samlingane (20% fraværsgrense).

Den obligatoriske læringsaktiviteten må vere godkjend av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

• Del 1: Semesteroppgåve (8-14 A4-sider med linjeavstand 1,5) som inkluderer eitt eller fleire praktiske produkt. Produkta skal vere ein utforsking og fordjuping av eit sjølvvalt tema innan tekstilkultur. Semesteroppgåva skal setje produkta i ein teoretisk samanheng.
• Del 2: Justerande munnleg eksamen med forsvar av semesteroppgåva og utstilling av praktiske produkt.

Karakterskala A-F, der F svarar til ikkje bestått.

Begge delane må vere bestått for å få karakter i emnet.

Ved ikkje bestått på semesteroppgåva er det mogleg å levere ei forbetra utgåve påfølgjande semester. Det er berre mogleg å levere ei forbetra utgåve med same problemstilling éin gong. Etter dette må det skrivast ei heilt ny semesteroppgåve.

Hjelpemiddel ved eksamen

Alle hjelpemiddel er tillatne.

Meir om hjelpemiddel