GE484 Geofare og skredkartlegging

Innhald og oppbygging

Kurset gir ein oversikt over ulike typar geofarar: skred, flaumar, tsunamiar og jordskjelv etc. Me brukar mest tid på skred og går meir i djupna på prosessane og utløysingsmekanismane til steinsprang, fjellskred, jord- og flaumskred, snøskred og kvikkleireskred. Eksempel på desse vert vidare studert i øvingane. Ein viktig del av kurset er kartlegging av skredavsetjingar i felt.

Læringsutbytte

Kunnskap

• Studenten har ei brei og generell forståing av mekanismane og prosessane til tsunamiar, jordskjelv, flaum og skred og korleis desse geofarane kan påverka infrastruktur og folk.
• Studenten oppnår detaljert kunnskap om ulike typar skred; skredprosessane og utløysingsmekanismane.

Ferdigheiter

• Studenten skal kunna identifisera og tolka ulike skredspor og skredavsetjingar i terrenget.

Generell kompetanse

• Studenten skal kunna kartleggja tidlegare skredhendingar i eit område og vurdera risikoen for framtidige skred i eit område.

Krav til forkunnskapar

Ingen

Tilrådde forkunnskapar

GE406 Geologi grunnkurs

GE414 Strukturgeologi og tektonikk

GE413 Kartlære og GIS

Undervisnings- og læringsformer

Førelesingar, øvingar og feltarbeid

Feltarbeid:

Fire dagar med kartlegging av ulike skredavsetjingar i Lærdal, Vest-Noreg. Studentane arbeider sjølvstendig, to og tre i lag, med rettleiing frå faglærar. Ein dag ekskursjon med fokus på skredprosessar.

Obligatorisk læringsaktivitet

• Godkjende øvingsrapportar: a. tsunamiar, b. flaumar and c. jordskjelv.
• Godkjend rapport frå skredkartlegginga.

Vurderingsform

Skriftleg skuleeksamen, 4 timar. Bokstavkarakter A-F.

Hjelpemiddel ved eksamen

• Linjal
• Enkel kalkulator
• Fargeblyantar

Meir om hjelpemiddel