LUPEM204 FoU-oppgåve: Den forskande lærar

Innhald og oppbygging

Emnet vert ikkje tilbydd studieåret 2024/2025.

Som ein del av lærarutdanning i praktisk og estetiske fag for trinn 1-13 - musikk, blir det forventa at ein skal kunne sjå musikk som eit vitskapleg fag og kunne delta i vidareutvikling av musikkfaget gjennom eit forskingsarbeid. Emnet skal forberede studentane på denne delen av yrkeslivet.

Målet for emnet er at studentane skal tileigne seg ein grunnleggande innsikt i estetikk, vitskapsteori, forskingsmetodikk og grunnlagstenking som er særleg relevant for musikkfaget, og sjå det i samanheng med musikkfaget sin eigenart. Dette skal gjere studentane i stand til å utarbeide si FoU-oppgåve.

Emnet inneheld ein innføring i kunstbasert forsking, vitskapsteori, vitskapleg metode, estetiske læreprosessar og FoU-arbeid.

Læringsutbytte

Ved fullført emne skal studenten ha følgande totale læringsutbytte:

Kunnskapar

Studenten

• har kunnskap om sentrale perspektiv innan vitskapsteori, forskingsmetodikk og etikk knytt til musikk som fag og som estetisk uttrykk
• har kunnskap om sentrale problemstillinger innan musikkpedagogikk og kunstnarisk utviklingsarbeid knytt til arbeid med FoU-oppgåva
• har kunnskap om estetiske og andre kunnskapsformar i estetiske læringsprosessar i musikk og tverrfaglege didaktiske og kunstnarlege utviklingsarbeid

Ferdigheiter

Studenten

• har ferdigheiter i akademisk skriving
• kan kritisk vurdere forsking og utviklingsarbeid innan musikkpedagogisk og kunstnarleg musikalsk verksemd
• kan ta i bruk kunnskap om vitskapsteori og forskingsmetode i eige FoU-prosjekt

Generell kompetanse

Studenten

• har kunnskap, ferdigheiter og innsikt i korleis ulike vitskaplege metodar kan nyttast for å analysere ulike utdanningsarenaers musikkpedagogiske praksis 
• kan reflektere kritisk over eigne lærings- og formidlingsstrategiar i utarbeiding av praktisk og skriftlig del i FoU-oppgåva 

Krav til forkunnskapar

LUPEM102 Musikerskap I, LUPEM104 Musikerskap II og LUPEM202 Estetiske og tverrfaglige produksjoner.

Tilrådde forkunnskapar

Ingen

Undervisnings- og læringsformer

Undervisnings- og læringsformene i dette emnet er i stor grad knytt til forelesningar, seminar, gruppe- og individuelt arbeid med fokus på studentaktive læringsformer.

Obligatorisk læringsaktivitet

Følgande obligatoriske læringsaktivitetar må vere godkjent for at studenten kan framstille seg til eksamen:

• Det er obligatorisk deltaking i seminar og arbeid i grupper.
• Gruppeoppgåve der studentane skal ha eit "miniforsk"-prosjekt som innleiing til arbeidet med FoU-oppgåva.

• Godkjent problemstilling og prosjektskisse av FoU-prosjekt
• Presentasjon av prosjektskisse

Dersom ein obligatorisk læringsaktivitet blir vurdert som ikkje godkjent, skal det bli gitt skriftleg melding om dette. Studentar som ikkje får godkjent ein eller fleire læringsaktivitetar får tilbod om å rette opp feil og manglar ein (1) gong eller gjennomføre alternativ læringsaktivitet gitt av faglærar. Dato for nytt forsøk må være i gjeldande semester og innan gitte fristar, men seinast tre veker før eksamensperioden startar.

Nærmare retningslinjer for læringsaktivitetane blir gitt ved semesterstart.

Vurderingsform

FoU-oppgåva er todelt.

Arbeidet skal vere forankra i forsking og i arbeidet må det gjerast greie for val av vitskapleg metode.

Del 1: Praktisk eksamen i didaktisk eller kunstnarleg utviklingsarbeid. Vekting: 40% av samla karakter.

Arbeidet kan gjerast individuelt eller i gruppe. Utviklingsarbeidet kan enten leverast som ein utøvande konsert, som demonstrasjon av undervisningsopplegg eller som lyd eller video. Presentasjon av utviklingsarbeidet i form av ei musikalsk eller munnleg framføring vert filma.

Del 2: Individuell skriftleg oppgåve. Vekting: 60% av samla karakter.

Den skriftlege delen skal gjere greie for prosess og produkt i del 1 i lys av relevant teori innan didaktisk vitskapleg og/eller kunstbasert forsking, samt forskingsmetode. Omfang: 3000 ord +/- 10%.

Karakterskala A-F, der F svarar til ikkje bestått. 

Begge delane må være bestått for å få karakter i emnet. Ved ikkje bestått på ein av delane, kan den delen som ikkje er bestått tas opp att åleine. 

Studentar som får karakteren F på FoU-oppgåve, kan levere forbedra versjon av samme oppgåve til sensur i løpet av påfølgande semester. Dersom studenten får karakteren F også på andre forsøk, må det leverast heilt nytt eksamenssvar med nytt innhald på del 1 og 2.

Hjelpemiddel ved eksamen

Alle hjelpemiddel er tillate.

Meir om hjelpemiddel