MGUKH503 Kunst og handverk 3, emne 3 - Estetikk i praksis og teori

Innhald og oppbygging

Emnet skal gje studentane ei utvida innsikt, der teori knytt til erfaringslæring og estetiske læringsprosessar er viktig. Emnet innehelder praktisk undersøkande og teoretisk reflekterande metodar i skapande arbeid. Studentane skal tileigne seg kunnskap om kunst og handverk også forstått som ein fleirkulturell praksis i grunnskulen, og bevisstgjera seg si rolle som verdiformidlarar.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• er fortruleg med undersøkande og erfaringsbasert kunnskap og kan kople dette til både nasjonal og internasjonal relevant kunstfagdidaktisk praksis og teori i kunst og handverksfaget
• har avansert kunnskap om estetiske læreprosessar
• har kunnskap om kunst som erkjenningsform og læraren si rolle som kulturformidlar
• har kunnskap om fou-baserte tenkjesett og strategiar for problemløysing i møtet med elevar sitt og eige skapande arbeid
• har inngåande kunnskap om fagrelevante skapande og estetiske estetikkforankra arbeidsformer sett i samanheng med barne- og ungdomskultur

Ferdigheiter

Studenten

• kan analysere og vurdere læreprosessar innan skapande arbeid i kunst og handverk og bruke fagspesifikke omgrep og perspektiv
• kan arbeide med praktiske utprøvingar og eksperimentering i ulike materiale og kan anvende teori til å reflektere over og vurdere eigne arbeidsprosessar i faget.
• kan sette erfaring frå eige skapande arbeid i samanheng med fagområdet i skule og samfunn
• kan formidle og uttrykke seg gjennom eit utval av faget sine material og medium

Generell kompetanse

Studenten

• kan bruke strategiar og metodar for kunstfagdidaktisk arbeid individuelt og saman med andre
• kan gjennom eige utforskande og skapande arbeid bidra til nytenking og utviklingsarbeid innanfor og på tvers av faglege samanhengar
• kan anvende og gjera greie for eigen erfaring med estetiske læreprosessar og legge til rette for elevars læring gjennom slike læreprosessar i tverrfaglege kontekstar.

Krav til forkunnskapar

Ingen

Tilrådde forkunnskapar

Fullført syklus 1 i GLU 5-10 med 60 studiepoeng i kunst og handverk, av det bestått ei 7,5 studiepoengs fou-oppgåve.

Undervisnings- og læringsformer

I Vestlandsklassa foregår det ei felles nettbasert formidling av teori til alle campus, medan det praktiske arbeidet er knytt til fysisk oppmøte på campusane.

Undervisninga er fou-basert og varierer mellom felles forelesningar og møtepunkt på digitale plattformer, fysisk arbeid i samlingar på campusar, forutan veiledning og studiar av teori frå eit nasjonalt og internasjonalt nivå, både individuelt og i grupper.

Obligatorisk læringsaktivitet

• Det krevjast aktiv deltaking på obligatoriske læringsaktivitetar, slik dei er definert på læringsplattform
• Det krevjast gjennomføring av obligatoriske læringsaktivitetar i form av skriftlege og munnlege presentasjonar individuelt og gruppevis.

Obligatoriske læringsaktivitetar må være gjennomført til fastsette fristar og godkjend før ein kan avlegge eksamen.

Vurderingsform

Vurderingsmappe.

Karakterskala A-F, der F svarar til ikkje bestått.

Ved ikkje bestått skal det leverast ei omarbeida vurderingsmappe til ny eksamen.

Hjelpemiddel ved eksamen

Alle hjelpemiddel er tillate.

Meir om hjelpemiddel