PL471 Kulturmiljøforvaltning

Innhald og oppbygging

Emnet kombinerer kunnskap om kulturarv og kulturmiljø, med praktiske oppgåver og øvingar knytt til kulturmiljøforvalting. Studenten får innsikt i kulturmiljøverdiar knytt til ulike kulturelle grupper, ulike historiske epokar og ulike geografiske kontekstar. Vidare lærer studenten å kjenne att og skildre kulturmiljøverdiar i norske bygg og landskap. Underliggande i dette, får studenten også innsikt i historiske trekk og viktige aktørar i norsk kulturmiljøforvalting, og korleis kulturmiljø kan brukast som ein ressurs for lokal stadutvikling, identitet og verdiskaping. Ved å ta utgangspunkt i studentane sine bakgrunnar søker emnet å bygge vidare på eksisterande kunnskap, og skape engasjement gjennom dette.

Dei praktiske øvingane i emnet er retta mot lokal kulturmiljøforvalting. Studentane vil arbeide med registrering, verdivurdering, databasar, planar og lovverk. Ekskursjonane gir innblikk i fysiske miljø der kulturminne speler ei viktig rolle.

Læringsutbytte

Kunnskap

Studenten har:

• god forståing for korleis ein kan nytte kulturmiljø som ressursar i lokal utvikling
• kjennskap til sentrale historiske trekk og viktige aktørar i norsk kulturmiljøforvaltning
• god forståing for samanhengen mellom arealplanlegging og kulturmiljøforvalting
• kjennskap til sentrale føresegner i kulturminnelova og plan- og bygningslova

Ferdigheiter

Studenten kan:

• kjenne att og skildre sentrale kulturmiljøverdiar i norske bygg og landskap
• bruke sentrale databasar til å innhente opplysningar om kulturmiljøverdiar
• gi råd om forvalting av kulturmiljø i samband med kommunal planlegging
• delta aktivt i registrering og verdisetjing av kulturminne

Generell kompetanse

Studenten:

• har trening i å skrive og omarbeide ei akademisk oppgåve
• har øving i å søke opp og nytte relevant litteratur i oppgåveskriving
• kan lese og gi konstruktiv tilbakemelding til medstudentar
• har trening i argumentasjon og i å diskutere fagstoff

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

• Førelesingar
• Ekskursjonar
• Øvingar og oppgåver
• Diskusjonar og presentasjonar
• Rettleiing på eksamensoppgåve

Obligatorisk læringsaktivitet

Skriftlege arbeidskrav

• 2 innleveringar av utkast til gruppeeksamensoppgåve
• Lese og gi tilbakemelding på 1-2 grupper sine utkast til eksamensoppgåve

Obligatorisk undervisning

• 2 ekskursjonar
• 2-4 skriveseminar med rettleiing

Fråver frå obligatorisk læringsaktivitet må avklarast med emneansvarleg god tid i forkant

Vurderingsform

Skriftleg gruppeoppgåve (35 %)

Individuell munnleg eksamen (65 %)

Karakterskala: A-F, der F svarar til ikkje bestått. Begge deleksamenar må vere bestått for at emnet skal bli bestått.

Hjelpemiddel ved eksamen

Skriftleg gruppeoppgåve: Alle

Munnleg eksamen: Ingen

Meir om hjelpemiddel