Studieplan - Forskarline GLU 1-7 og 5-10

Forskarlina for GLU 1-7 og 5-10 er eit tilbod til studentar som ønskjer å orientere seg særskilt inn i mot forsking, utover det som ligg i rammeplanen for GLU-utdanningane. Gjennom studiet vil studentane tileigne seg avansert kunnskap om vitskapsteori og metode og få høve til å arbeide med å utvikle eige forskingsprosjekt i dialog med forskingsmiljø ved fakultetet, inn i mot ph.d.-nivået. Studentane vil også, som del av opplegget for forskarlina, få høve til på førehand å ta deler av opplæringsdelen for ph.d.-programmet Studiar av danning og didaktiske praksisar. Dei vil også få arbeide med forskingsrelatert arbeid i stilling som forskingsassistent.

Stikkord for innhald:

• Vitskapsteori og metode (15 stp)
• Arbeid med utforming av prosjektplan for ph.d. i dialog med relevant forskingsmiljø
• Kurs som del av opplæringsdel i ph.d.-programmet Studiar av danning og didaktiske praksisar (10 stp)
• Forskingsrelatert arbeid som forskingsassistent

Læringsutbytte

Kunnskaper
Studenten har:

• avansert kunnskap om vitskapsteori og metode
• inngåande kunnskap om vilkår for forsking på ph.d.-nivå
• djuptgåande forståing for relevante danningsperspektiv og tilhøyrande didaktikk i eige fag og forskingsområde

Ferdigheiter
Studenten kan:

• kritisk vurdere ulike vitskapsteoretiske og metodiske tilnærmingar i lys av og til bruk i eige master- og ph.d.-prosjekt
• reflektere kritisk over forskingsetiske problemstillingar i forskingsprosjekt
• kan utvikle adekvate forskingsdesign for å forske på didaktisk praksis

Generell kompetanse
Studenten kan:

• formulere eigne forskingsspørsmål og problemstillingar og knyte desse til relevant vitskapteoretisk posisjon, tradisjon og metodisk framgangsmåte og i lys av teoriar om danning og didaktiske praksisar
• kritisk reflektere over sentrale etiske implikasjonar av eige forskingsarbeid

Innhald

Hovudorganisering:

• kurs i vitskapsteori og metode på masternivå (15 stp)
• arbeid med forskingskvalifisering og prosjektutvikling inn i mot ph.d.
• kurs – opplæringsdelen ph.d. (10 stp)
• arbeid som forskingsassistent

Praksis

Ingen

Arbeidsformer

Studiet vert organisert i form av

• fysiske og virtuelle samlingar basert på omvendt undervisning der virtuelle læringsressursar inngår som vesentleg del
• studentens arbeid med eiga forsking- og forskaropplæring under rettleiing
• studentens deltaking i forskargruppe(r) sine faglege aktivitetar
• studentens arbeid som forskingsassistent i samarbeid med forskingsmiljøet

Obligatoriske arbeidskrav:

• Skriftleg og munnleg presentasjon av førebels tema for masterprosjekt. Om lag 1 s. eller rundt 250 ord.
• Skriftleg og munnleg presentasjon av vitskapsteoretiske, metodiske og/eller forskingsetiske problemstillingar med relevans for masteroppgåve. Skriftleg i form av eit essay på ca 3000 ord. Munnleg presentasjon på nett eller samling. Deltaking i opposisjon mot medstudentars framlegging.
• Øvingsoppgåve: Skriftleg analyse og munnleg presentasjon av kvantitative data. Nett eller samling
• Øvingsoppgåve: Skriftleg analyse og munnleg presentasjon av kvalitative data. Nett eller samling
• Prosjektskisse ph.d. (levert i semester 10)
• Individuell muntlig presentasjon av skisse til komparativ artikkel eller artikkel som tar for seg danningstematikk knyttet til eget prosjekt som vurderes til godkjent/ikke godkjent. Presentasjonen skal ha et omfang på ca. 20 minutter og være knyttet til et organisert gruppeseminar (PHD 901 - semester 11)
• Revidert prosjektplan for ph.d. (semester 11)