Opptakskrav og søknad
Opptakskrav
Lærarutdanning (grunnskule-/allmennlærar, faglærar, barnehage-/førskulelærar eller praktisk-pedagogisk utdanning). Du må være tilsett i ei lærarstilling.
Du må ha minst 30 studiepoeng i naturfag frå tidlegare.
Kravet om bestått lærarutdanning kan fråvike dersom du berre manglar faget du søker på, for å få fullført lærarutdanninga di.
Om du søker dispensasjon frå opptakskravet, må det foreligge stadfesting frå tidlegare studiestad om at studiet du søker opptak til kan inngå i og føre til avslutta lærarutdanning.
Kvifor studere Naturfag 2?
Ved å fordjupe deg i naturfag, får du mogelegheit til å utvida eigen kunnskap, men også å veksa som pedagog. Det å kunne formidle eit fag som av barneskuleelevar kan opplevast komplekst, på ein engasjerande måte, vil vere veldig verdifullt som lærar.
Kva lærer du?
Korleis utvikle dei yngste elevane si sansing, oppdagarglede, undring, naturglede og naturfagspråk, når dei introduserast for naturfaget? Korleis bruke dette til å hjelpe elevane til å forstå omgjevnadene våre, og for å legge til rette for ei berekraftig utvikling i framtida? Studiet vil vektlegge ei konkret og praktisk tilnærming til naturfagundervisninga i grunnskulen.
Målgruppe
Naturfag 2 er fastankra i nasjonale retningslinjer for grunnskulelærarutdanninga for 1.-7. årstrinn og læreplan for grunnskulen. Kurset bygger på naturfag 1, og er eit tilbod til lærarar som tidlegare har 30 studiepoeng i naturfag frå grunnskulelærarutdanninga. Til saman utgjer naturfag 1 og 2 ei årseining i naturfag (60 studiepoeng).
Undervisningsform
Kvart emne består av tre samlingar og gir 15 studiepoeng. Undervisninga på samlingane vil veksle mellom forelesning, demonstrasjonar, feltarbeid, laboratoriearbeid og diskusjonar. Kursdeltakarane må vere førebudde på sjølvstudium av pensumlitteratur mellom samlingane.
Naturfag 2 er delt i to emne:
- Emne 1 undervisast om hausten og tar for seg tema innan fysikk og kjemi.
- Emne 2 undervisast om våren og tar for seg tema innan humanbiologi, cellebiologi og evolusjon.
Du finn meir informasjon i emneplanen:
Samlingar
Haust 2024
Beregnet tid for undervisning på fysiske samlinger er 08:15 til 16:00
- Uke 35 29.-30. august
- Uke 38 20. september digital samling kl. 09:15-11:00
- Uke 40 3.-4. oktober
- Uke 43. 25. oktober digital samling kl. 09:15-11:00
- Uke 45 6., 7. og 8. november
Vår 2025
Beregnet tid for undervisning på fysiske samlinger er 08:15 til 16:00
- Uke 3 16.-17. januar.
- Uke 6 7. februar digital samling kl. 09:15-11:00
- Uke 8 19., 20. og 21. februar.
- Uke 11 14. mars digital samling kl. 09:15-11:00
- Uke 3.-4. april
Tilrådd forskunnskap
Kurset bygger på naturfag 1, og er eit tilbod til lærarar som tidlegare har 30 studiepoeng i naturfag frå grunnskulelærarutdanninga.
Pensum
Du får informasjon om pensum ved studiestart.
Eksamensform
Emne 1 avsluttast med ein skriftleg eksamen i desember, og emne 2 avsluttast med ein munnleg eksamen i juni.
