Opptakskrav og søknad
Opptakskrav
Lærarutdanning (grunnskule-/allmennlærar, faglærar, barnehage-/førskulelærar eller praktisk-pedagogisk utdanning). Du må være tilsett i ei lærarstilling.
Du må ha minst 30 studiepoeng i norsk frå tidlegare.
Kravet om bestått lærarutdanning kan fråvike dersom du berre manglar faget du søker på, for å få fullført lærerutdanninga di.
Om du søker dispensasjon frå opptakskravet, må det foreligge stadfesting frå tidlegare studiestad om at studiet du søker opptak til kan inngå i og føre til avslutta lærarutdanning.
Kvifor studere Norsk 2?
I studiet vil du få verdifull oppdatert kunnskap, som du kan ta med deg inn i norskundervisninga på skulen.
Kva lærer du?
Studiet byggjer på Norsk 1 for grunnskulelærarutdanninga, og er delt i to emne på 15 studiepoeng kvar.
- Norsk 2 5–10 A: Språk og litteratur i fortid og samtid går om hausten.
- Norsk 2 5–10 B: Språkmangfald og tekstmangfald går om våren.
Studiet skal gi djup innsikt i og historisk bakgrunn for sentrale emne som er viktige på 5.–10. trinn, men med særleg fokus på ungdomstrinnet. Studentane skal vurderast i bokmål og nynorsk.
Den praktiske erfaringa til studentane vert trekt inn i emnet, og det er eit mål at studiet skal tilføre skulen du underviser på oppdatert fagleg og didaktisk kompetanse.
Målgruppe
Målgruppa er lærarar i skulen med minst 30 studiepoeng i norsk frå før.
Undervisningsform
Mykje av undervisninga er lagt til samlingane, men det vert også lagt til rette for fagleg samarbeid og erfaringsutveksling på samlingane. Kommunikasjon og aktivitet vil skje digitalt utanom samlingane på læringsportalen Canvas. Undervisningsspråket er norsk.
Samlingar
Vår 2024:
- 23.-24. januar
- 12.-13. mars
- 23.-24. april
Tilrådd forkunnskap
Studiet byggjer på Norsk 1 for grunnskulelærarutdanninga.
Pensum
Du får informasjon om pensum ved studiestart.
Eksamensform
Emne A:
- Heimeeksamen over tre dagar, bokmål, 50 %
- Semesteroppgåve, 3000 ord på bokmål, 50 %
Emne B:
- Heimeeksamen over tre dagar, nynorsk, 50 %
- Munnleg førebudd presentasjon, 50 %
